La movilización convocada va unes selmanes n'A Caridá, sofitando a un vecín con sentencies na so contra por violencia de xéneru, supon, a xuiciu de la formación, abandonar y culpabilizar a la víctima
Énte'l vergonzosu casu d'A Caridá, nel qu’una muyer maltratada decidió dise de la so localidá énte la insoportable situación tres una manifestación en defensa de la so expareja, condergáu por violencia, oblíganos a asitianos, como nun puede ser d'otra manera, del llau de la víctima.
Dende l’Área de Muyer d'Izquierda Xunida d'Asturies queremos amosar el nuesu más absolutu refugu énte esti fechu, por dellos motivos:
1º Nun podemos entender que s'amuese de forma tan escandalosa'l sofitu a quien foi condergáu por violencia machista y que, ensin dulda, foi l'últimu elementu que forzó a la víctima a tomar la drástica decisión d'abandonar la so casa y dexar el pueblu
2º Les distintes espresiones recoyíes nes pancartes y les declaraciones realizaes nos medios en defensa del condergáu, fueron especialmente dures pa la víctima, sola énte unos ataques que la culpabilicen a pesar de que la Xusticia dictaminó al so favor.
3º Refiertemos el silenciu de quien demientres tou esti tiempu asítiase percima de les mesmes lleis y procesos xudiciales, resalvando unos fechos, constataos en sentencies, que tendríen de producir rabia y vergüenza
La llucha pola igualdá dacuando gánase nes instituciones pero otres piérdese na cai, y ye ende onde toes y toos tenemos la obligación d'alzar la voz pa pone-y nome al maltratu y a quien maltrata
Porque'l silenciu conviértenos en cómplices
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies