Menu

Ovidio Zapico alvierte de les repercusiones de la política de Pedro Sánchez y esixe planificación pa una transición que nun represente una muerte súbita

Ovidio Zapico, diputáu d'IX na Xunta Xeneral, esixe al Gobiernu de Pedro Sánchez mecanismos por que nenguna empresa, nesti casu la Central de Sotu de la Barca -en Tinéu-, pueda cerrar ensin un consentimientu previu del Gobiernu de la nación. Planificación ye lo que demanda'l diputáu asturianu, responsable de los asuntos d'industria y medioambiente nel grupu parlamentariu, para tolo que tenga relación cola transición enerxética y asina faelo d'una forma pausada, apautada y qu'en definitiva sía una transición, non un zarru express, una muerta súbita de la nuesa economía.

Zapico recuerda qu'en política non solo les decisiones traen consecuencies, sinón que tamién les declaraciones y, más si estes son irresponsables, producen efectos bien negativos. Esti ye l'exemplu de les declaraciones de la Ministra Teresa Ribera sobro la transición enerxética, que pa ella supón acabar d'una manera rápida con un modelu que mientres munches décades foi unu de les pilastres de la industria y la economía asturiana y qu'agora, de baramonte y ensin una alternativa real a cambéu, ella quier esaniciar. Ye palmario, sostien el diputáu d'IX, qu'estes intenciones repercuten na decisión de la empresa propietaria de la central térmica de Sotu de la Barca y haise vistu más vegaes nos últimos meses.

IX refuga frontalmente estes declaraciones per parte de la Ministra que auspician decisiones como esta y esixe al Gobiernu de Pedro Sánchez que nun dexe a estes empreses empecipiar el zarru ensin cuntar col consentimientu previu del Gobiernu de la Nación. “Ye necesariu planiar tolo que tenga relación cola transición enerxética pa faelo d'una forma pausada, apautada y qu'en definitiva sía una transición, non un zarru express, que supon la muerta súbita de la nuesa economía”, conclúi'l diputáu d'IX.

El diputáu d'IX reclama del Gobiernu Socialista nacional un compromisu cola reindustrialización de toles cuenques afectaes por esa denominada transición ecolóxica y qu'empiece, pa ello, cola dotación nos Presupuestos Xenerales del Estáu d'una dotación económica abonda que, nestos momentos, nun figura nel proyectu.