Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Argüelles respeta la dimisión de Llamazares y asegura qu'IX caltien la fueya de ruta pa designar cabeza de llista

El coordinador xeneral d'IX Asturies, Ramón Argüelles, aseguró güei que "respeta" la decisión del voceru de la formación nel Parlamentu autonómicu, Gaspar Llamazares, de la que reconoció la importancia del diputáu para la organización.

Sicasí, Argüelles aprofió que les organizaciones tienen que tar percima de personalismos y anunció qu'IX va caltener la so fueya de ruta de cara a la designación de la llista y de la so cabeza de cara a les próximes elecciones.

L'anunciu del hasta agora voceru llegó por sorpresa esta mañana, dempués de que Llamazares unviara al Coordinador una misiva na que daba a conocer la so decisión y una posterior visita en persona a la see d'IX Asturies.

P'Argüelles, l'oxetivu agora tien de ser poner en marcha'l procesu de primaries pa la designación de la llista y la so cabeza. Sía que non, el coordinador xeneral, más allá de la importancia de l'acción política de Llamazares mientres "casi 40 años", tantu n'ámbitos asturianos como d'España, amosóse confiáu en que la formación sía una alternativa creyíble, como tamién lo foi n'anteriores llexislatures con candidatos y candidates distintes. Al so xuiciu, la ciudadanía va siguir viendo a IX como una fuerza "útil"; más nun momentu como l'actual nel qu'esiste una amenaza pola irrupción de fuerces d'estrema derecha que pueden poner en peligru derechos que se creíen consolidaos.

Argüelles encetaba la situación creada tres l'anunciu d'arrenunciu en Tinéu, conceyu al que viaxaba xuntu al diputáu Ovidio Zapico pa refugar el zarru de la central Térmica de Sotu de la Barca. El parllamentariu llamentó la decisión de Llamazares, anque quixo amosar el so "respetu" a la mesma, de la qu'anunció que tol grupu va trabayar "bien de más duru" para intentar suplir la so ausencia.

Volver

Compartir

2014 Izquierda Xunida d'Asturies - Política de privacidad - Política de cookies