Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

25/01/2019

La coordinadora d'IX aprueba pol 71% dir a les elecciones sol lema Asturies pola Izquierda en coalición con IAS

L'alcuerdu respeta les sigles de dambes formaciones y ta abiertu a nueves incorporaciones.

La coordinadora d'IX d'Asturies aprobó güei por mayoría l'alcuerdu pa presentase a les próximes elecciones sol paragües d'Asturies pola Esquierda, que va apigurar tamién a Esquierda Asturiana (IAS), y que va caltener les sigles de la formación. Por una mayoría cimera al 71% (43 votos a favor, 2 en contra y 15 astenciones) la formación dio'l vistu bonu a la propuesta de la dirección qu'agora arrinca'l procesu pa la definición del reglamentu de primaries y elección los sos miembros y de la so cabeza. Pa ello, va crease un órganu mistu con 3 representantes per parte d’IX y 2 per parte d’IAS.

El coordinador xeneral d'IX d'Asturies, Ramon Argüelles, amosóse satisfechu cola resultancia yá que, dixo, va dexar empezar a trabayar pa ser noticia poles propuestes y non por disensiones internes.

Al respective de la calendarización, Argüelles y señaló qu'esperaba que'l procesu tea termináu antes de fin de febreru, tanto no referente a la composición de la llista como a la so cabeza.

Esti alcuerdu va garantizar la presencia de les sigles tanto IX d'Asturies como de IAS y amás ta abiertu a la incorporación d'otres fuerces.

Volver

Compartir

2014 Izquierda Xunida d'Asturies - Política de privacidad - Política de cookies