Ovidio Zapico sofita la manifestación énte Delegación de Gobiernu de los trabayadores d'Alcoa y clama por un marcu estable na tarifa eléctrica
Ovidio Zapico, diputáu d'IX na Xunta Xeneral, xune esta tarde la voz de la coalición a la de la reclamación per parte los trabayadores de Alcoa del estatutu pa la industria electrointensiva porque la industria asturiano precisa un marcu estable de la tarifa eléctrica como garantía de continuidá pa la industria nel so conxuntu y pa la solución p'Alcoa.
El diputáu d'IX apuntó que, en díes como güei, ye necesario llevantar la bandera de lo social en tiempos en que primen les banderes de patries. Al so xuiciu ye necesario recordar a Pedro Sánchez que tenga de pasar a los fechos: dignificar les pensiones d'esti país, combatir la precariedá llaboral y derogar la reforma llaboral, amás de dotar a Asturies d'esti estatutu electrointensivu porque Asturies xuégase enforma nesti asuntu y tien d'evitase una nueva cuenta trás pa Alcoa.
A entrugues de los periodistes sobro cuál sería la meyor opción de vienta de les fábriques, si de forma conxunta o separada, el diputáu alvirtió que la meyor opción ye una vienta que garantice l'emplegu a la práctica totalidá d'Asturies y Galicia y garantice la continuidá de la producción y apueste pol futuru de la industria.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies