Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

18/02/2019

IX va pidir en plenu'l cambéu de gobernanza nel Parque de Picos y una comisión de siguimientu de les obres de les envernaes

La coalición tamién va solicitar al Gobiernu qué midíes va llevar a cabu pa garantizar la preferencia na aplicación de midíes de calter social pa families mono parentales

Concha Masa, vocera parlamentaria d'IX na Xunta Xeneral, rellató esta mañana los asuntos que la coalición va llevar al plenu que se celebra esti mesmu xueves y vienres. IX va preguntar sobro les midíes que se van a adoptar per parte del Gobiernu pa garantizar la preferencia na aplicación de midíes de calter social a les families monoparentales con riesgu d'esclusión social; va encamentar al Conseyeru Fernando Lastra sobro la situación del Parque Natural de Picos d'Europa, onde IX cree que ye'l momentu d'establecer un sistema de gobernanza con presencia de les comunidaes autónomes y tamién del Estáu y, a lo último, va defender una Proposición Non de Llei sobro los daños causaos poles envernaes de xineru. La coalición pide que s'estableza una comisión de siguimientu ente'l Principáu, los conceyos y la Confederación Hidrográfica de tala manera que puean evaluase los daños causaos y establézanse midíes de prevención pa evitar daños futuros, ente elles por casu, el control del ríu Nalón dende Sobrescobiu a la desaguada, que nun foi abonda, midíes de control de calces pero non solo.

La vocera d'IX tamién llamentó que se tea atrabancando la posibilidá d'aprobar lleis que tán en tramitación, lleis urxentes y bien necesaries como la Llei Trans, o la Llei del Deporte… y otres, pidiendo ampliaciones pa la presentación de les enmiendes. IX nun comparte les prioridaes de dellos grupos poles comisiones d'investigación o la reforma del estatutu a estes altures pa desaniciar los aforamientos, una iniciativa qu'a, prácticamente un mes del fin de la llexislatura, nun se puede llevar a cabu col rigor y l'alderique que merez l'Estatutu, y, sicasí, lleis que podíen sacase adelantre con bona voluntá tan atrabancándose innecesariamente. Masa punxo l'exemplu de la Llei Trans, ellaborada cola participación de tolos grupos –sacante PP y Foro- xuntu al Gobiernu.

Volver

Compartir

2014 Izquierda Xunida d'Asturies - Política de privacidad - Política de cookies