Menu

Sol lema "Más Izquierda Xunida"

Ángela Vallina llega col compromisu de "Más Izquierda Xunida", lema baxu al qu'apigura a les 34 persones que conforma la so llista. Dende los campamentos saharagüis, la eurodiputada y agora candidata espresó'l so enfotu en llograr los máximos sofitos pa poder defender, dende la izquierda, los intereses d'Asturies. "Esta candidatura significa l'esfuerzu por un consensu lo mayor posible ente les distintes persones, agrupaciones que queremos una Izquierda Xunida muncho más fuerte y, en concencia, xunida".

La llista, esplicó Vallina, conxuga esperiencia y renovación y criterios territoriales. "Creo que ye una candidatura pa devolver l'enfotu a la nuesa militancia, y la ilusión, y, en concencia a tolos asturianos y asturianes, con persones d'una gran responsabilidá y seriedá nel so comportamientu políticu y na so xestión"

L'oxetivu, aseguró la candidata ye "caltener y ampliar la presencia orgánica ya institucional d'Izquierda Xunida. Toi convencida de qu'el nuesu partíu ye güei entá más necesariu que nunca pa garantizar los derechos que consiguimos a lo llargo de los años de trabayu, nel aspeutu social, y sobremanera tamién nel feminismu y que güei tán en riesgu por una derecha, estremada pero cada vez más fuerte y más estrema".

La candidata enfatizó que, pretende a la derichización que pretende llevar al país al sieglu XIX, "va esta candidatura, estes ganes de trabayar y esta defensa tamién d'Asturies que tamos viendo cómo vamos de capa cayida hasta'l puntu de que yá'l despoblamientu afectar hasta perder unu de los diputaos que teníamos de cupu a nivel nacional".