El diputáu d'IX sostien que Podemos foi incapaz d'acreditar los prexuicios antisindicales que vertíen nel dictame
Zapico, diputáu d'IX na Xunta Xeneral, esplicó esta mañana'l fin de la comisión d'investigación de los cursos de formación nel parlamentu asturianu. A xuiciu de Zapico tratase de “un puntu final d'un procesu inquisitorial”, d'una caza de bruxes contra los sindicatos de clase y ciérrase col fracasu de los promotores, Podemos. Estos, a xuiciu del diputáu d'IX, “fueron incapaces d'acreditar los prexuicios antisindicales que vertíen nel dictame, que entepasaba en el so redacción de constatar nos trabayos de la comisión, daqué compartíu por tolos grupos parlamentarios sacante Podemos”, dixo'l diputáu d'IX al terminu de la sesión de güei de la comisión. Tres más d'un añu d'esistencia d'esta comisión d'investigación los grupos de Foro y Ciudadanos propunxeron que la comisión rematara güei ensin aprobar la propuesta del dictame redactada por Emilio León, presidente de la mesma.
El diputáu d'IX tamién apunta que, tal como sostien l'informe de los servicios xurídicos del parlamentu asturianu, la formulación xeneral de la propuesta de dictame cadez d'una falta de rigor de tal magnitú qu'el mesmu Lletráu de la cámara alcuentra hasta 26 espresiones que tienen d'esaniciase por ser contraries nada menos que a la Xurisprudencia del Tribunal Constitucional. Y esto ye asina porque'l proponente atribúyese poderes propios del ámbitu xudicial, al calificar como delictivos o illegales de manera repitida comportamientos qu'una comisión d'investigación parlamentaria solo puede realizar invadiendo les funciones propies de l'autoridá xudicial.
La falta de rigor manifiéstase tamién na presencia siguida de conclusiones estrayíes a partir de conxetures y non de fechos acreditaos nos trabayos de la Comisión. Nello tamién inciden los servicios xurídicos al falar de falta de verificación o calter especulativu de numberoses afirmaciones.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies