Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

07/03/2019

IX reclama la meyora de la movilidá sostenible p’amenorgar la contaminación

Demanda la renovación de la malla ferroviaria de cercaníes que ta n'una situación peor que va cuatro años

Ovidio Zapico, diputáu d'IX na Xunta Xeneral, incidió esta mañana na necesidá d'ameyorar la movilidá sostenible n'Asturies en casu de l'aplicación de los protocolos por contaminación, tal como asocedió les pasaes selmanes. Zapico considera positivo, de por sí, l'aplicación de los protocolos pero reclamó, per un sitiu, midíes de concienciación para la población dende un tonu atento y pedagóxico, la meyora del software por que nel tresporte públicu puedan rebaxase los precios y, sobremanera, el gran retu pa la movilidá sostenible, dixo, ye la renovación de la malla ferroviaria de cercaníes, que s'atopa nuna situación peor que va cuatro años. “Unu de los retos de cualquier fuerza político con deséu real de querer gobernar tien de ser la reforma de les cercaníes n'Asturies”, alvirtió'l diputáu d'IX. El diputáu d'IX tamién apuntó que pa la próxima llexislatura queden otres dos cuestiones por atender: dar un fuerte impulsu a la renovación de les calefacciones y nel planu industrial la revisión de les Autorizaciones Ambientales Integraes.

El diputáu d'IX apeló esta mañana al Conseyeru d'Infraestructures, Ordenación del Territoriu y Mediu Ambiente pa realizar una evaluación del protocolu de contaminación, qu'implicó, per primer vegada l'amenorgamientu de velocidá nes autovíes asturianes. Nesti sentíu, Zapico, apuntó que la señalización nes autovíes asturianes en casu de llimitaciones derivaes de l'aplicación del protocolu anticontaminación tien de ser ameyorada. Ye, a la so manera de ver, una cuestión importante a ameyorar porque hubo paneles lluminosos na AS-7 y na AS-18 que nun funcionaron o lo fixeron tarde. Sicasí, tamién reconoció'l diputáu d'IX que l'amenorgamientu de velocidá per parte de conductores foi meyor aplicada conforme pasaron los díes.

Pela so parte, Fernando Lastra, aseguró que los planes calidables del aire tán siendo eficaces dende la so puesta en marcha y el protocolu puestu en marcha nos últimos díes tuvo efectu directu nel amenorgamientu de la contaminación. Lastra nun cree que se dieren problemes de conocencia sobre l'encamientu que se fixo pa conducir a menos de 90 kilómetros per hora p’amenorgar la contaminación y sí a la de rebaxar el preciu del tresporte públicu, porque'l Consorciu de Tresportes entá nun dispon d'esa posibilidá, yá prevista pal futuru.

Incidió nes midíes puestes en marcha p’amenorgar les emisiones per parte de les empreses y aseguró que si Asturies quier siguir siendo xuna rexón industrial “fai falta control, rigor y atención a les emisiones”.

N'Asturies hai 85 industries con autorización ambiental integrada que, según Lastra, tienen qu'esforciase pa cuntar coles meyores técniques disponibles p’amenorgar les emisiones.

"Hai que tener relación bien intensa con esa actividá", afirmó Lastra, antes d'afirmar que cada vez hai que ser más esixentes.

Volver

Compartir

2014 Izquierda Xunida d'Asturies - Política de privacidad - Política de cookies