Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

11/03/2019

Vallina da les gracies a la militancia y pide 'pasar diferencies' pa tabayar pola organización y per Asturies

"Más Izquierda Xunida" cree que les resultancies nun invaliden la continuidá del coordinador xeneral

Dar respuesta a les necesidaes d'Asturies, con un programa afayadizu pa llograr una descarbonización que garantice'l futuru y la viabilidá de sectores como l’electrointensivu y de la industria polo xeneral, de la que llograr qu'IX tenga representación en tol territoriu.

Ángela Vallina amosóse confiada en que les resultancies que la dieren como ganadora confírmense esta tarde nel escrutiniu del votu per corréu magar matizó qu'inda ye necesaria la prudencia. La cabeza de llista de "Más Izquierda Xunida" dio les gracies a tola militancia pola alta participación, nun procesu que, dixo, les agrupaciones pequenes entornáronse y, añedió, "tuvieron la voz".

Nestos momentos, lo que toca, enfatizó Ángela Vallina, "ye la unión" de mano a trabayar escontra fuera cola ciudadanía como horizonte. "Ye hora de pasar diferencies, d'uniones y de trabayar conxuntamente por esta organización y per Asturies".

Pal diputáu Ovidio Zapico y númberu dos de la llista "Más Izquierda Xunida", ye imprescindible caltener les llínees d'actuación de los últimos años del grupu parlamentariu de la Xunta Xeneral del Principáu, con una defensa “a estazón" de la industria asturiano.

A entrugues de la prensa, Ángela Vallina, aprofió que nestos momentos nun ta sobre la mesa'l cambéu na dirección d’IX Asturies, sinón en recuperar la esencia d'IX, de la so mochila y de la so trayectoria, asumiendo amás la voluntá de la militancia d'Asturies que dixo claramente qu'el so deséu ye caltener a la organización como un axente clave de la política asturiana y non supeditada a fuerces esternes. Ello ye que recordó la eurodiputada, al referéndum que yá se celebró y nel qu'el 80% de la militancia d’IX Asturies refugó dir en coalición con Podemos Asturies, súmase agora'l postreru celebráu esta fin de selmana y que, nos votos presenciales, queda refrendáu."La militancia a cuerpu d'urna votó non (a la coalición con Podemos) en Madrid, votó non equí".

L'alcalde de Morcín y númberu cuatro na llista "Más Izquierda Xunida", Maximino González, foi acordáu sobre qué tien de faese agora sobre la confluencia de cara al Congresu de los diputaos. "Somos una candidatura que nos presentamos a unes primaries a un procesu que tien una fecha clave: 26 de mayu. Poro, nesti momentu, yo creo que nun sería bono que daquién pensara que nós queremos dar un Golpe d'Estáu. La dirección política d’IX Asturies tien vixencia, poro, el procesu de les xenerales quien tien qu'alministralu y plantegar en qué situación se va a llevar a efectu ye l'actual dirección política d'IX. Ye'l so llabor, indistintamente de que, como comentaben los compañeros, nós tengamos una posición clara sobre qué modelu tenemos, pero somos respetuosos cola dirección política".

Maximino aprofió amás que les primaries nun invaliden la continuidá del actual coordinador que, dende la perspectiva de "Más Izquierda Xunida" tien de siguir hasta la próxima asamblea. Asina, esplicó, que les primaries celebraes nun pueden entendese de forma automática como una censura. "A día de güei tenemos un coordinador d'Asturies, que ye Ramón Argüelles".

Volver

Compartir

2014 Izquierda Xunida d'Asturies - Política de privacidad - Política de cookies