Menu

La militancia d’IX Asturies volvió dicir non nes urnes a una coalición electoral al Congresu

Juan Ponte impúnxose a Ana Solís pa formar parte de la llista de Xuníes Podemos al Congresu per Asturies, en representación d'IX. El secretariu y Acción Política llogró'l pasáu sábadu nes urnes físiques asitiaes en distintos puntos de Asturies 410 votos frente a los 210 que llogró la otra candidata. Con un total de 690 votos emitíos físicamente, Ponte llogró'l sofitu de casi'l 60% de los votantes (59,4).

Tocantes a la participación, la consulta llegó al 34,1% del censu d’IX Asturies (2026 persones).

L'afiliación vuelve dicir Non a la coalición con Podemos

Per otru llau, l'afiliación d’IX Asturies volvió votar non a la coalición con Podemos. Asina, nes urnes puestes el pasáu sábadu, el 65% de los votos fueron contrarios a la coalición. En total, 592 papeletes con un non a dir sol paragües de Xuníos Podemos d'un total de 911 emitíes. Nesti casu, la participación algamó al 44,97% del censu.

A favor de dir en coalición votaron 351 persones (38,53%), 41 sobres vacíos y 7 votos fueron nulos,

Garzón llogra'l 75,55% de sofitu.

La militancia d’IX Asturies votó tamién presencialmente el sábadu la candidatura d'Alberto Garzón al Congresu. Nesti casu, el coordinador federal llogró'l 75,55% de los votos emitíos n'urna, onde se recibieron un total de 642 papeletes (el 31,7% del censu).

Garzón llogró 485 votos de los emitíos, a los que se sumen otros 88 nulos y 69 en blancu.