Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

12/04/2019

Ponte considera 'indecente' que los llangreanos tengan que siguir reclamando'l fin del soterramientu dempués de 10 años

El candidatu de Xuníes Podemos esixi al PSOE que pase de la política de los despachos a la política de los fechos. Jesús Sánchez alvierte que'l nuevu retrasu implica xugar cola ilusión de los ciudadanos

Juan Ponte, candidatu d'IX d'Asturies al Congresu de los diputaos y númberu dos de Xuníes Podemos, considera "indecente" que diez años dempués del entamu de les obres del soterramientu de Feve en Llangréu los ciudadanos tengan que siguir manifestándose y reclamando la culminación de la execución. Nesti sentíu, el candidatu d'IX al Congresu esixó al PSOE "pasar de la política de los despachos a la política de los fechos", yá que ye esti partíu'l responsable de la situación.

Pa Xuníes Podemos, sorrayó Ponte, la modernización de la rede de ferrocarriles de vía estrecha ya implementar un plan de cercaníes ye fundamental por dellos motivos: "pa dar cohesión territorial y que les cuenques mineres nun queden descolgaes, pa garantizar a Asturies un futuru con emplegu estable y ameyorar la calidá de vida de la xente. "Acaldía que pasa ensin terminar esta obra amenórgase un serviciu públicu y empiora la calidá de vida de la xente", esplicó nos momentos previos a la salida del encierru que mientres 24 hores protagonizaron los miembros de la Plataforma pol Soterramientu.

"Dende Xuníes Podemos defendemos un modelu de tresporte públicu eficiente y calidable y ye lo qu'equí nun ta asocediendo", denunció'l candidatu d'IX antes de citar a los "corresponsables". Al so xuiciu, tanto'l PSOE dende'l Gobiernu central como dende'l Gobiernu autonómicu son corresponsables d'un nuevu retrasu. "Trabayen dende la improvisación y non dende la previsión", alvirtió'l candidatu d'IX.

Pal alcalde de Llangréu, Jesús Sánchez esta situación implica "xugar cola ilusión de los vecinos y vecines que lleven más d'una década engarrándose pola culminación de la obra". Pela so parte, l'alcalde d'IX, reclamó al Conseyeru, al Ministru, dambos del PSOE y a los que güei faen campaña, a dar una esplicación sobre por qué'l trabayu de siete meses foise a la basura. "Faigo un llamamientu al PSOE a que lo valoren", incidió. L'alcalde, qu'espera esa esplicación, alvirtió de que si ésta nun se produz "vamos tener que dicir qu'hai una responsabilidá política y los ciudadanos fadranla pagar, onde tienen la oportunidá", en referencia a les urnes, declaró Sánchez a los medios de comunicación a la fin del encierru.

Volver

Compartir

2014 Izquierda Xunida d'Asturies - Política de privacidad - Política de cookies