Menu

El diputáu d'IX y número dos a les autónomiques alvierte qu'Asturies se xuega un gobiernu que tresforme la comunidá con toles fuerces progresistes

Ovidio Zapico, diputáu d'IX y númberu dos a les elecciones autonómiques de la formación, realizó un llamamientu a la seriedá a Adrian Barbón,candidatu de la FSA a la presidencia del Principáu, por que se dexe de llorar como una plañidera pol votu útil nes xenerales y autonómiques y llance propuestes p’Asturies, redolada a elementos fundamental como pue ser la transición enerxética. Tamién-y pidió dende Riosa al candidatu socialista qu'asuma que na próxima llexislatura n'Asturies na so mano va tar qu'haya un Gobiernu plural de la esquierda. “Nun Xugamos que'l bloque progresista siga superando al bloque conservador nes próximes autonómiques, sinón que lo hai que decidir ye si Asturies quier un Gobiernu que tresforme a Asturies, que sía un Gobiernu de cambéu con toles fuerces progresistes nel mesmu”, alvirtió Zapico dende Riosa, onde participó na presentación d'Ana Díaz como candidata a l'alcaldía de Riosa . IX, dixo l'actual diputáu, reivindica esi papel pa formar un Gobiernu de la izquierda plural na próxima llexislatura y “los ciudadanos son los que van decidir que parte d'esi gobieruo correspuende a unos y a otros”.

El Votu útil al qu'alude costantemente'l PSOE nun ye realmente una llamada al votu útil, sinón una llamada a caltener la so cuota de poder, aseguró Zapico. A xuiciu del númberu dos na candidatura qu'encabeza Ángela Vallina “vivimos tiempos de pluralidá”. Na última llexislatura, IX amosó capacidá pa entendese no programático con fuerces que pueden tener planteamientos similares y en cuestiones xenerales p’Asturies, como pue ser la transición enerxética o les infraestructures con toles fuerces democrátiques que puedan tar nel parlamentu autonómicu. “Esa va siguir la nuesa fueya de ruta para los próximos cuatro años”, incidió'l representante d'IX.