Menu

Lanero cree indispensable una fuerza como IX y Ángela Vallina reivindica la necesidá de los sindicatos para defender los intereses de la clase trabayadora

Izquierda Xunida y UXT coincidieron güei na necesidá de llograr un futuru gobiernu d'Asturies d'izquierda y colos sofitos necesarios pa poer aprobar presupuestos. La eurodiputada y candidata de la formación a la presidencia d'Asturies, xuntu al diputáu Ovidio Zapico, axuntáronse esta mañana col secretariu xeneral del sindicatu n'Asturies, Javier Fernández Lanero, nun alcuentru nel qu'encetaron la situación de la Comunidá autónoma de cara a la próxima llexislatura. Como primer reflexón, enfatizó el líder uxetista, “ye la necesidá de qu'Asturies siga habiendo un grupu políticu como Izquierda Xunida, porque ye fundamental para la nuesa Comunidá Autónoma y ye fundamental pa un futuru Gobiernu que pueda haber n'Asturies, qu'IX se caltenga fuerte”. Esa fortaleza, añedió Ángela Vallina, tien de dexar llegar alcuerdos pola izquierda pa poder encarar retos como la transición enerxética y el caltenimientu del sector industrial.

Sindicatu y partíu citáronse pal próximu mes de mayu pa encetar propuestes concretes d'acción que, esplicó Vallina, tien d'articulase nun bloque que aúne l'acción sindical y de les fuerces d'izquierda. Frente a los intentos de liquidar a les organizaciones sindicales, col procesu de involución qu'impulsen les dereches, la candidata a la presidencia d'Asturies por IX, reivindicó'l valor de les centrales en procesos como les reconversiones nes qu'el so papel foi fundamental pa evitar un españíu social. “Va siendo hora de que dexemos d'enfrentamientos y los que defendemos más o menos les mesmes coses sentémonos y tiremos per Asturies que lo que precisa nun ye enfrentamientos sinón quien de verdá-y importe Asturies tien que sumase al carru y tirar toos por ella”.

Fernández Lanero recordó que nos pasaos cuatro años l'entendimientu con IX marcó la relación colos sindicatos y abogó porque superar l'actual campaña electoral, basada non nes propuestes sinón nel reproche gruesu, para poner nel centru del alderique l'axencia social. “Fálase bien pocu de los problemes que realmente esmolecen a la xente. Los gobiernos gobiernen y tien que poner en marcha polítiques con un solu oxetivu: les persones. A la fin, toa política que ponga un Gobiernu en marcha, cualquier midida, siempres ye por que repercuta en persones. Son midíes para faer la vida más fácil a la xente”.

Derogar les reformes llaborales, el riesgu de probeza, el trabayadores probes, la medría del salariu mínimu o de la renta básica, xuntu cola reforma de les pensiones deberíen, reclamó'l secretariu d'UXT tienen d'entrar a forma parte del alderique, que tamién tien qu'incluyir, añedió, los problemes demográficos, la educación y, tamién, la enerxía.