Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

13/05/2019

Pulgar demanda xuntu cola FAMPA la seguridá nes pensiones

La diputada d'IX comprometese a reforzar la plantiya de valoradores de la Dependencia pa evitar les llistes d'espera

Marta Pulgar, diputada d'IX, amosó la gran coincidencia d'Asturies pola Izquierda cola Federación d'Asociaciones de Mayores del Principáu d'Asturies (FAMPA). Ente los numberosos puntos d'alcuentru l'actual diputada y candidata númberu 9 a la Xunta Xeneral, sorrayó la necesidá de blindar les pensiones como un derechu constitucional, recuperar el Pactu de Toledo y xubir l'IPC añal a los pensionistes, anque ye una cuestión que nun atañe directamente al Gobiernu autonómicu. “Tener una normativa clara da seguridá a los pensionistes”, resumió Pulgar tres la xunta cola dirección de la FAMPA

A xuiciu de la diputada ye obligao, yá refiriéndose a la comunidá autónoma, reforzar la plantiya de valoradores de la Dependencia, pa evitar les amplies llistes d'espera, priorizando les necesidaes. L’ERA y la so llista d'espera tienen de ser tamién un oxetivu a ameyorar y rebaxar na próxima llexislatura, respectivamente, y emprestar una atención priorizada por que les persones permanezan na redolada. La Fampa, dixo la diputada, ye una pieza imprescindible na estratexa d'Avieyamientu Activu que se punxo en marcha mientres la última llexislatura. La so participación ye una exa vertebradora d'avieyamientu activu y de cohesión social pol que tenemos qu'apostar. IX comprometese a esaniciar les torgues burocrátiques que torguen qu'esi ponderatible llabor que desenvuelven, como son actividaes y escursiones, tengan una mayor axilidá y puedan desenvolver eses actividaes.

Asturies pola Izquierda tamién amosó'l so sofitu a la reinvindicación d'un local pa la FAMPA, reclamao dende va munchos años, yá qu’anguaño tien qu'optar por unu d'arriendu.

La Federación de Mayores del Principáu d'Asturies tamién demanda ameyorar la situación de les llistes d'espera sanitaries.

Volver

Compartir

2014 Izquierda Xunida d'Asturies - Política de privacidad - Política de cookies