Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

14/05/2019

IX reclama al restu de fuerces polítiques que dexen de despintar los sos programes electorales

Ovidio Zapico demanda l'aplicación inmediata de la xornada de 35 hores na alministración

Ovidio Zapico, diputáu d'IX y candidatu númberu dos a la Xunta Xeneral per Asturies pola Izquierda, alvirtió esta mañana que la coalición nun entiende como, cola campaña yá tan avanzada, casi nengún partíu políticu de los que tien posibilidá real de llograr representación nel Parlamentu publicó'l so programa electoral. La campaña electoral tien de fuxir de frases y mensaxes vacíos, fuxir de vaguedades y centrase n'esplicar al conxuntu de la ciudadanía les propuestes que cada partíu presenta, aseguró Zapico en Sotrondio, onde participó nuna repartida informativa nel mercáu xuntu al candidatu local, Manuel Reinoso. Pal diputáu'l fechu de qu'entá nun lo presentaren ye motivu d'esmolición porque “tán despintando” les sos propuestes a la ciudadanía a la que llamen a votar insistentemente. En conceyos como Samartín del Rei Aurelio, fuertemente afectáu pola crisis y pola transición enerxética express que nos tán llevando a forma acelerada, ye necesario conocer les propuestes que toos tienen pa la industria asturiano, tamién el PSOE. “Esmoleznos enforma la situación de la industria asturiano porque nos esmolez l'efectu arimo que, por momentos, paez estendese per tola industria asturiano y énte eso polítiques firmes y políticos firmes nel Gobiernu d'Asturies y frente al Gobiernu nacional”, alvirtió.

La segunda reflexón que realizó'l candidatu, conociendo que'l Principáu cumplió cola riegla de gastu y el Gobiernu rexonal, en funciones, ye la esixencia de que nun puede perdese nin un día n'implementar la xornada de les 35 hores na alministración pública asturiana. “Ye de xusticia que los y les trabayadores empiecen a ver los beneficios de la salida de la crisis porque pa unos servicios públicos calidables ye una bona midida y sería bona midida pa crear emplegu públicu”, aseguró en Sotrondio. “Frente a lo que proponen otros nun queremos endelgazar l'alministración autonómica, sinón que queremos más p'atender y defender más y meyor a los ciudadanos”, indicó en referencia a los partíos de la derecha.

Manuel Reinoso, candidatu local de San Martín pola Izquierda, incidió na necesidá de cambéu del conceyu yá que van 40 años de apatía del gobiernu socialista. “creo que'l día 26 va reflexase'l cambéu en San Martín”, dixo Reinoso. Al so xuiciu ye necesario volver dar la voz a los vecinos, que nestos momentos nun tán representaos. IX inclúi nel so programa la realización d'una auditoria pa conocer l'estáu de l'alministración local.

Volver

Compartir

2014 Izquierda Xunida d'Asturies - Política de privacidad - Política de cookies