Menu

Reprocha qu'España vaya muncho más allá de lo que-y esixe la UE ensin que'l Principáu esplicara hasta agora qué proyectos tien pa desaniciar los efectos del adelantu nos plazos para acabar col carbón

El candidatu a l'alcaldía de Carreño, Ángel García Vega, pide'l votu para Asturies pola Esquierda para tener más escaños na Xunta Xeneral y para recuperar el Conceyu para la ciudadanía

La candidata d'IX a la presidencia d'Asturies, Angela Vallina, recordó güei en Carreño que'l 21% del productu interior brutu d'Asturies (PIB) procede del sector industrial, que nestos momentos ta en peligru de resultes d'una política desacertada per parte del gobiernu de Pedro Sánchez pa poner en marcha una descarbonización a estazón: el problema aprofió ta, “n'una transición express que nun nos mandaba a Europa y que si nos metió la ministra Rivera“.

Los efectos letales d'esti modelu aceleráu vense amás, a xuiciu d'Angela Vallina, amplificaos polos altos costos del recibu eléctricu que tienen que pagar les empreses asturianes, yá que dixo, ye la tarifa más cara de toa Europa.

La candidata d'Asturies pola Izquierda reprocho amás la falta de proyectos de futuru que quedó de manifiestu nesti procesu de descarbonización ensin siquier tratar d'aprovechase de los fondos que dende la unión europea tán disponibles pa desaniciar los efectos del cambéu de modelu. Y ye que, añedió, nestos momentos nun sabemos qué mandó'l gobiernu del PSOE a Europa pa poder beneficiase d'eses llínees de financiamientu, de la que vemos los problemes que tán sufriendo n'empreses electro intensives como alcoba, pero tamién Arcelor Mital, y otres como asturiana de cinc que pueden vese perxudicaos pola falta d'un estatutu para les empreses que son grandes consumidores d'eletricidá.

Angela Vallina tuvo esta tarde en Candás nun actu políticu nel qu'amás llamó l'atención sobre la necesidá de polítiques actives que pongan en valor los recursos de l'Asturies rural y que tamién afecten a conceyos de l'área central y que, a pesar de tar altamente urbanizaos, cunten con importantes espacios inda d'usu agrícola y ganaderu.

Angela Vallina aprovecho'l mitin tamién p'acometer contra lo que paez una involución contra les muyeres n'España y que tamién afecta Asturies. Nesti sentíu referíase al que calificó “esperpénticu” episodiu cola entrega de premios nuna competición de squash, nel qu'a los varones apurriéronse-yos trofeos ente que a les muyeres, amás, agasayáronseles con consoladores, cremes depilatorias y otros productos claramente sexistes.

En Candás, el candidatu a l'alcaldía Ángel Garcia Vega reivindicó la necesidá d'un cambéu que ponga fin a 20 años de gobiernos socialistes, que sumieron a Carreño nun modelu clientelar y “caciquil“. Lo que quier IX pa Carreño, esplicó'l candidatu, “ye recuperar el Conceyu, tener un alcalde pal pueblu, tener un alcalde que defende a los servicios públicos calidables y dexanos yá de caciqueos”.