Menu

Alejandro Suárez reprocha que se tresllade la responsabilidá a una ciudadanía que yá espresó'l so deséu d'un gobiernu d'izquierda y espera que la indignación" nun sía enriada pola derecha.

El coordinador xeneral en funciones d'IX, Alejandro Suárez, llamentó güei la falta d'alcuerdos pa facilitar un gobiernu de progresu y l'anunciu pola Casa del Rei de que nun propón candidatu. “Güei ye un día malu pa la democracia, ye una pésima noticia que tengamos que dir a elecciones”, aseguró.

Pal dirixente d’IX Asturies, la convocatoria de nueves elecciones “demuestra un fracasu de la negociación política”. Y ye que, añedió, esi desencuentru supon treslladar de forma inaceptable. la responsabilidá a la ciudadanía que yá espresó'l so deséu d'un gobiernu d'izquierda que, con voluntá d'alcuerdu dexaría un gobiernu de progresu.

A pesar de la situación, Alejandro Suárez señaló que “entá queden díes” nos que podría rectificase, más énte los retos que tendrá d'asumir España nun contestu marcáu polos desafíos del Brexit, nel orde européu ya internacional, pero tamién pola necesidá d'un estatutu pa les electrointensives o'l financiamientu autonómicu. “La España d'izquierda quier una investidura d'esquierda y esto solo tien dos consecuencies: beneficiar a la derecha de Colón (en referencia al triángulu de PP Ciudadanos y l’ultraderechista Vox) y deteriorar la democracia”.

El coordinador d'IX amosóse bien críticu con esti anunciu énte una posible desmovilización del votu de la izquierda: “solo esperamos que la indignación que va causar esta situación nun la enríe la derecha”.