Ovidio Zapico asegura que se trata d'un primer pasu pa garantizar la preservación del Cordal Cantábricu n'Asturies que tendría que concluyir cola protección del restu de la cornisa n'Ayer.
La protección integral de la Cornisa Cantábrica n'Asturies ta un pocu más barganal. Esta mañana, a entrugues del diputáu de IX Ovidio Zapico sobro cuándo tien previstu'l Conseyu de Gobiernu realizar una revisión del Plan d'Ordenación de los Recursos Naturales na Comunidá Autónoma, pa incorporar nuevos espacios protexíos como'l valle del Ríu Negru n'Ayer, el conseyeru de Desenvolvimientu Rural, Alejandro Calvo, amosóse abiertu a la so inclusión nel yá esistente Parque Natural del Parque de Les Ubiñas-La Mesa.
A xuiciu del parllamentariu d'IX, güei llogróse “un primer pasu” nesa ampliación de la protección de la Cornisa al so pasu per Ayer que ye, enfatizó, “l'únicu tramu de Cordal, pola so aguada asturiana, qu'anguaño nun cunta cola figura de Parque Natural”.
Trátase, esplicó Zapico, d'una situación anómala dende la perspectiva de la preservación del mediu ambiente una y bones, aseguró, pa IX tol Cordal Cantábricu tien que tar protexíu por una figura qu'ha ser la de Parque Natural”.
Sía que non, y a pesar de valorar positivamente esta predisposición a incorporar el valle del Ríu Negru so la protección de Parque Natural, tratase d'una posición inda insuficiente, esplicó Zapico, por culpa de qu'inda quedaría una zona importante del conceyu d'Ayer que nun cuntaría con nenguna figura de protección.
Nel casu concretu del Ríu Negru, Ovidio Zapico destacó qu'esiste un consensu” sobro la necesidá urxente de protección que tamién ye compartíu polos vecinos de la zona que, tien que ser un sacalliñu” p'avanzar na declaración d'esa figura de Parque Natural.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies