Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

26/11/2019

IX pidi un apueste del Principáu pa recuperar y rellanzar la Sienda del Osu

Ovidio Zapico reclama un órganu de cooperación permanente ente l'Alministración autonómica y los conceyos d'esta ruta, con dotación presupuestaria

Izquierda Xunida reclamó güei una apuesta del Principáu d'Asturies pa rellanzar la Sienda del Osu según un preséu de cooperación permanente ente l'Alministración Autonómica. El diputáu Ovidio Zapico, mientres una interpelación nel Plenu del Parlamentu Asturianu aseguró que nun se trata yá de plantegar inversiones al curtiu plazu pa iguar los numberosos defectos que se constataron a lo llargo de tola ruta, sinón tamién de garantizar al llargu plazu el so caltenimientu.

“Ye imprescindible definir un preséu permanente de cooperación ente'l Principáu y los conceyos que formen parte de la Sienda del Osu. Hai que definilo y dotalo económicamente”, enfatizó’l diputáu.

Zapico señaló que la inversión pa recuperar la sienda tien de ser asumida ensin demorances y sía que non por que tea en serviciu nes meyores condiciones posibles antes de la Selmana Santa de 2010. Nesti sentíu, el parllamentariu aprofió que se trata d'una ruta clave pal desenvolvimientu y dinamización de los conceyos de Teberga, Quirós, Proaza y Santo Adriano.

Volver

Compartir

2014 Izquierda Xunida d'Asturies - Política de privacidad - Política de cookies