Ovidio Zapico cree que tien d'afitase unos mínimos pa la recuperación, afitando si puede pescase, en qué cantidaes y en qué ríos.
Izquierda Xunida pidió güei na Comisión de Mediu Rural la puesta en marcha d'un plan integral pal salmón, coles mires d'evitar la so desapaición. Y ye que, esplicó'l diputáu Ovidio Zapico, esta especie figura nel "llibru coloráu" de la fauna d'Asturies qu'esixe la toma de midíes pa revertir el cayente.
"Nós plantegaríamos la necesidá de que la nuesa Comunidá Autónoma cuntara con un plan de recuperación pal salmón; un plan que, en primer llugar contemplara eses meyores de los ecosistemes fluviales y tamién de los aprovechamientos d'esos cursos fluviales", esplicó Zapico. El diputáu reivindicó, amás, la necesidá d'un plan de cooperación internacional con otros países de la área atlántica, con esta mesma especie y que, enfatizó, "compartan en gran midida esti problema".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies