Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

12/12/2019

Vallina califica d'intolerable qu'una diputada del PP díga-y que la prefier 'calladita, sumisa y col amén'

La vocera d'IX enfea a Gloria García qu'en cuenta de rebatir con argumentos utilice una espresión propia de la sección femenina.

L'enfrentamientu surdió yá na toma de posición de cada grupu, onde Ángela Vallina plantegó la necesidá d'algamar una escuela pública cien per cien, daqué que nun indicaba'l presupuestu d'Educación, onde de fechu se conseñen más de 100 millones d'euros para l'alcordada.

La vocera d’IX Ángela Vallina criticó güei con durez a la diputada del PP Gloria García, dempués de que na comparecencia de la Conseyera d'Educación, Carmen Suárez, en cuenta de rebatir con datos la posición d'IX en materia d'escuela alcordada, recurriera al más machista, ultramontanu y vacíu de los recursos, al asegurar que la prefier “calladita, sumisa y col amén que cuando fala de l'alcordada y destila naftalina”. Esta espresión, enfeó la parllamentaria, ye impropia nuna institución democrática, na que se defende'l principiu d'igualdá. “lo asocedío esta mañana na comparecencia de la Conseyera d'Educación nun puede menos que faeme sentir envergonzada, enoxada y espantada. Qu'una diputada, a la d'esponer la so posición política, en llugar d'utilizar los sos argumentos pa defender la so postura lo único que fai ye dirixise a mi, a otra muyer, y dicir que me prefier callada y sumisa. Creo que se retrata perbién”,

Y ye que, añedió Vallina, “nun tien argumentos pa defender la so postura, pero qu'esto asoceda en plenu sieglu XXI, nuna institución, nun Parlamentu da una idea de cuál ye'l conceutu de feminismu y cuál la muyer que defende'l PP nesti casu”.

La salida de tonu de la parllamentaria conservadora, declarando la so preferencia escontra'l tipu de muyer callada y sumisa que defendía la Sección Femenina, nun sospriende a Izquierda Xunida: “esta diputada dexó bien retratáu al so partíu. Nun nos estraña entós esos fáciles alcuerdos a los que lleva'l PP nesa deriva escontra la derecha más casposa que ta teniendo y la facilidá, digo, cola que llega a esos alcuerdos con VOX, porque no fondero paez que tienen la mesma ideoloxía. Ye intolerable y non puede dexase que n'una institución pública una muyer llance asemeyada improperio a otra muyer”.

La incomprensible acción política de Gloria Fernández nun ye nueva, recordó Ángela Vallina. “ Yá vimos cosa d'esta diputada que nun nos cuadren perbién: ye la mesma diputada que llee n'asturianu un poema de la Conseyera Berta Piñán y, coles mesmes, cuando la Conseyera intenta comparecer n'asturianu pide un traductor porque nun lo entiende. Ye absolutamente impresentable y nun se puede, repito, tolerar de nenguna manera”.

Volver

Compartir

2014 Izquierda Xunida d'Asturies - Política de privacidad - Política de cookies