Menu

La vocera d'IX reclama que s'apruebe un estatutu pal sector electrointensivu y denuncia que les compañíes tienen un costu enerxéticu un 30% superior al de la so competencia en Francia, Alemaña o Italia.

La vocera d'IX na Xunta Xeneral del Principáu, Ángela Vallina reivindicó güei una vegada más la necesidá imperiosa de cuntar con un estatutu pa les electrointensives, dempués de qu'ayeri Arcelor Mittal nun llograra nengunu de los paquetes de la puya eléctrica. La diputada responsabilizó de los posibles efectos de la situación a les Ministres de Transición Enerxética ya Industria, por unes polítiques que, dixo atenten contra los sectores granibles asturianos. “Rivera y Maroto son les responsables, que paez que tán empeñaes n'acabar cola industria asturiano. La responsabilidá va ser d'elles; paecen dos kamikazes frente a la industria asturiano y los intereses d'Asturies”.

La situación ye entá más grave por culpa de que les empreses asturianes atopense con una factura enerxética qu’apuerta hasta un 30 per cientu más alta que la de la so competencia europea, como pue ser Italia, Alemaña o Francia, o cola entrada d'aceru de terceros países con menores esixencies medioambientales, resaltó la parllamentaria.

Ángela Vallina señaló qu'agora ye más necesario que nunca que'l Gobiernu esclarie cuáles van ser les compensaciones en CO2 una y bones l'escenariu ta complicándose pa la industria electrointensiva asturiana ensin que, hasta la fecha, punxérensen midíes pa llograr la so viabilidá.