Menu

Ovidio Zapico axuntóse güei n'Eilao con conceyales y otros cargos d'IX na zona énte'l grave deterioru de la principal vía de comunicación d'estos conceyos.

El diputáu d’IX Asturies Ovidio Zapico reclamó güei al Principáu qu'esplique por qué camudó de criteriu al respective de la meyora de la exa de comunicación del As-12, que vertebra los tráficos ente'l sur y nor occidente asturianu. "Tamién tien qu'esclariar qué va faer pa garantizar qu'estos vecinos, por casu, puedan baxar al Hospital de Xarrio en menos tiempu, que pueden facer, poro, d'una forma más rápida y tamién más segura y más fiable"

El diputáu recordó que nestos momentos, nos que de forma insistente traise a colación la crisis demográfica, abandonar les zones despobladas y evitar la so desertización ye incompatible. "Agora que tanto se fala d'esa España y tamién d'esa Asturies vacida y vaciada, ye un momentu pa faer la siguiente reflexón: si queremos invertir l'enclín, tocantes a la demografía, en conceyos como Grandas de Salime, como Pezós, como Eilao, como Boal o como Coaña, lo que tenemos que faer ye planteganos que too eso acometese dende compromisos per parte de los distintos gobiernos. Compromisos serios con esos conceyos y por tantu tamién con inversiones".

El Gobiernu del Partíu Socialista, concluyó Zapiico, tien de dar una esplicación a estos conceyos asturianos y dicir con claridá qué piensa faer p'ameyorar esta situación.

Pela so parte, la vocera d'IX n'Eilao, Silvia García, aprofió la importancia de la carretera pa tola contorna, al tratase de l'arteria principal dende Navia hasta Grandas de Salime. "El peor tramu ye dende Boal hasta Grandas, que ta anubiertu de baches". La conceyala llamentó que nun s'acometieron inda actuaciones y preguntóse si va haber qu'esperar hasta que se produza un accidente por que la Alministración rexonal tome concencia de la situación.

"Ye l'arteria principal y si queremos que nun suma la xente de los pueblos y queremos que la xente realice iniciatives empresariales y que la xente siga viviendo nestes zones rurales pos tenemos que sofitar estos proyectos", señaló García.

N'Eilao, n'El Felgeuirou, axuntar con Ovidio Zapico representantes d'Izquierda Xunida nos conceyos afectaos con un únicu oxetivu: primir por que, d'una vegada por toes, se adecue la calzada para xuna mayor seguridá vial y rapidez nos desplazamientos de la población d'estes zones.