Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

28/01/2020
En primer término, Ángela Vallina y al fondo, en la tribuna de invitados los máximos responsables sindicales de Asturias

Vallina reclama que se renegocie con Europa los fondos pa la transición enerxética, reconociendo l'esfuerzu yá realizáu per Asturies

IX reprocha la repartida de les ayudes comuñales que van inyectar a países como Alemaña 40.000 millones d'euros de la que caltién el so plan d'adaptación hasta 2038

Ángela Vallina reclamó güei que se renegocie con Europa la repartida de fondos pa llograr una transición enerxética xusta. La vocera d'IX na Xunta Xeneral del Principáu esplicó esta mañana, tres el fin de la primer sesión del Plenu monográficu sobro industria que se celebra a propuesta de la formación, que la intervención del Conseyeru d'Industria, Enrique Fernández, reconocía la difícil situación pola que traviesa la Comunidá Autónoma y amosó el so sofitu a delles de les iniciatives presentaes pol responsable autonómicu. Eso sí, la diputada echó en falta xuna mención espresa a la necesidá d'afaer la cualificación profesional a les necesidaes del texíu granible. "Eché de menos que nun comentara un pocu lo de la formación dual y los centros de formación profesional que tenemos que, dacuando, nun tán lo atendíos que se debe y tamién tenemos que procurar que les empreses atopen pos les persones cualificaes pa esos puestos de trabayu".

"Ye d'estimar que reconoza (el Conseyeru) qu'hai qu'axustar otra vegada n'Europa esi financiamientu y yo pongo como ejemplo Alemaña, que se va a llevar 40.000 millones d'euros y sicasí la transición nun la va a terminar hasta 2038", enfatizó Vallina.

La vocera d'IX reclamó que se tenga en cuenta l'esfuerzu yá realizáu."Si equí fiximos esa transición pela vía más rápida, col zarru de minería, de térmiques, lóxicamente, esa repartida de fondos (l'anunciada pola UE), como diz el Conseyeru, nin ye xusta nin podemos almitilo".

Esti primer plenu monográficu d'industria foi siguíu por atención polos máximos responsables sindicales d'Asturies. Na grada d'invitaos taben el secretariu xeneral de CC OO Asturies, José Manuel Zapico, y el secretariu d'Industria d'esti sindicatu, Damían Pumar, según el máximu responsable d'UXT, Javier Fernández Lanero.

La sesión plenaria va siguir mañana miércoles, que va ser la xornada na qu'IX va realizar les sos propuestes de resolvimientu en defensa de la industria como un sector estratéxicu que la so viabilidá y futuru tien de ser garantizada.

Volver

Compartir

2014 Izquierda Xunida d'Asturies - Política de privacidad - Política de cookies