Menu

El coordinador en funciones asegura que la nueva dirección va trabayar por un Gobiernu tripartitu n'Asturies "d'acordies col Gobiernu español"

L'Asamblea d’IX Asturies vieno acabante escoyer a la so coordinadora por 183 votos a favor, nengunu en contra y 9 astenciones. Tratase d'una amplia mayoría, superior al 61% del del total de participantes nesti órganu na xornada de güei, cuando s'acreditaron 297 persones. Un datu similar (191 votos a favor, nengunu en contra y 8 astenciones) llogró la llista a la Comisión de Garantía, que tamién s'alcordó nel día de güei.

La candidatura única que se presentó taba encabezada pol actual coordinador en funciones, Alejandro Suárez, y de la mesma formen parte, ente otros los diputaos Ángela Vallina y Ovidio Zapico, según los alcaldes y alcaldeses. Suárez destacó la normalidá del procesos. "La nueva dirección tien que trabayar pa normalizar los conflictos, pa enrialos de manera positiva. Y eso ye lo que vamos faer. Yo toi bien satisfechu de la resultancia de la votación, col desenvolvimientu de los trabayos de l'Asamblea y nun creo que los problemes nun tengan solución", esplicó.

Suárez afirmó que nesta nueva etapa ye necesario siguir colos trabayos pa reforzar la izquierda d'Asturies. "La dirección yá piensa y tienen claro que n'Asturies se precisa y ríquese un Gobiernu tripartitu d'izquierda y vamos trabayar por él mientres tola llexislatura, d'acordies col Gobiernu Español".

Al respective de la decisión del sector críticu de nun presentar candidatura, Suárez manifestó'l so respetu a la decisión anque señaló que "los problemes estatutarios nun tienen rangu políticu, nun deben de tenelu, nun tienen de ser instrumentalizaos políticamente. Que s'impugne (l'Asamblea): nós vamos dar les nueses razones xurídiques y vamos atopar una solución cola dirección Federal. Seguro".

El coordinador en funciones referíase d'esta miente a la decisión del sector críticu que, finalmente, decidió nun presentar la so propia candidatura. "Equí tán los nuesos cargos públicos con absoluta normalidá: conceyales, alcaldes, diputaos. Nun tamos en crisis, tenemos problemes, pero nun tamos en crisis", afirmó Suárez pa quien inclusive del discutiniu pueden estrayese llecciones útiles, de forma que los problemes tán enriándose de la forma afayadiza.

De los nuevos miembros de la Coordinadora máximu órganu de dirección d’IX Asturies-, Alejandro Suárez destacó la so capacidá y esperiencia. "Ye un grupu escelente. Van ser capaces de tirar por esta organización y de rellanzar el proyectu n'Asturies".

Los partíos políticos tienen problemes cuando la xente non les demanda, señaló'l máximu responsable d'IX, quien aseguró que nun yera'l casu del so la so formación.