Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX pide un plan de tresporte a Picos dende Cabrales 'con visión comarcal'

Izquierda Xunida pidió güei al Conseyeru d'Infraestructures, Mediu Ambiente y Cambéu Climáticu, Juan Cofiño, un plan de movilidá específicu pa los accesos al Parque Nacional de los Picos d'Europa, nel conceyu de Cabrales y con visión comarcal”.

El diputáu d’IX Ovidio Zapico defendió esta mesma mañana na Comisión de l’área un plan de tresporte públicu pa esti mesmu conceyu: “podría salir de Carreña, de la so capital, y xubir hasta Sotres, con paraes en Poo, Arenas, Poncebos y en Tielve, que posiblemente, y de forma inicial podría ser voluntariu”.

El parllamentariu reclamó que'l plan entre en marcha de forma esperimental en Selmana Santa, coles mires d'empezar a allixerar la circulación nel Parque. Y ye que, señaló Zapico, nun tien sentíu que nunos momentos nos que se tán sacando los coches de les ciudaes calténganse, sicasí, en llugares tan singulares y d'especial valor ambiental como'l Parque Nacional de los Picos d'Europa.

El plan de movilidá, reivindicó Zapico, tien que dir apareyáu d'una meyora nes zones de estacionamiento yá que, resaltó, nun esisten places abondes pa la demanda. Ello ye que añedió, “en Poncebos hai un aparcamientu unos kilómetros antes de la sienda. Creo que ye hasta peligrosu”. De la mesma, el estacionamiento del funicular, que mueve más 64.000 persones al añu, ye insuficiente.

La solución, resumió'l diputáu, ye un plan de movilidá nel que se dea “un papel bien importante” al texíu autónomo local p'articular el plan de tresporte.

Volver

Compartir

2014 Izquierda Xunida d'Asturies - Política de privacidad - Política de cookies