Ovidio Zapico pide que se garantice un fluxu d'agua mínimo de forma constante y non como hasta agora de manera puntual
El diputáu d’IX Asturies, Ovidio Zapico, amosó güei so prestu énte la reconocencia del Gobiernu de que'l banzáu de Caliao nun ye necesariu, asumiendo d'esta forma les posiciones que la formación defende dende hai más d'una década. Nuna interpelación sobro política xeneral en materia de suministru d'agua y de forma especial sobro la garantía d'un suministru abondu, al conseyeru d'Infraestructures, Mediu Ambiente y Cambéu Climáticu, Juan Cofiño, el parllamentariu reclamó que s'incluya de forma espresa l'arrenunciu a esi revesosu banzáu. Izquierda Xunida pidió, amás, una regulación del caudal de los ríos respetuosa cola mesma naturaleza de los calces: “llega'l momentu de ser esixentes tocante a los caudales ecolóxicos de los ríos regulaos polos banzaos, daqué que, históricamente, nun pasó n'Asturies”.
Zapico encamentó al Gobiernu a qu'esixa a Confederación Hidrográfica del Norte a que cumpla coles necesidaes pa garantizar los caudales ecolóxicos, y non yá en momentos puntuales, sinón asegurando qu'en tou momentu ta corriendo l'agua abondo.
El parllamentariu aprofió l'importante cambéu que se abre tocante a la xestión del suministru hídricu d'Asturies cola posibilidá d'usar tamién l'agua del Narcea, hasta agora d'usu mayoritariamente industrial.
Respectu al Plan de Suministru, que'l Gobiernu comprometese a presentar antes de fin d'añu, Zapico anunció qu'el so grupu va dar el marxe d'esos casi diez meses que resten, magar, alvirtió, van ser rigorosos tocantes a la esixencia de que se cumpla la previsión.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies