Menu

El coordinador plantega abrir, dende'l respetu y la reconocencia mutua, calces de diálogu que dexen presentar a la FSA una propuesta de Gobiernu antes del branu

Ovidio Zapico apostó güei por un Gobiernu de progresu n'Asturies al igual qu'asocedió en Madrid y emplazó a Podemos Asturies a buscar víes pa llogralo. "Antes del branu tendríamos de tener abiertu'l Gobiernu d'Asturies a esa Pluralidá de la Esquierda". El nuevu coordinador xeneral d'IX, na so primer intervención énte la coordinadora de la organización que se desenvuelve nestos momentos en Mieres, aseguró qu'hai disposición al diálogu con Podemos Asturies. Eso sí, matizó, l'oxetivu tien que ser encetar "aquello que-y importa a la nuesa base social, d'aquello que-y importa a la xente. Y ye bien cenciello: ¿cómo abrimos el Gobiernu d'Asturies a la pluralidá de la izquierda? Esa ye la entruga que-y plantegó. Creo qu'ensin la nuesa presencia nel Gobiernu, a lo llargo de la llexislatura, corremos el riesgu d'una derechización del mesmu, porque l'aritmética na Xunta Xeneral ye bien caprichosa, porque puede haber, en munches ocasiones, múltiples soluciones pa infinidá d'asuntos que se vaigan plantegando na mesma y que'l PSOE puedes tener fácil salida, si nun ye pola esquierda, nel centru y nel centru derecha".

Trátase, esplicó Zapico, de "faer normal n'Asturies lo que yá ye normal en Madrid. Con esti fin, el nuevu coordinador xeneral lleó una propuesta clara pa llegar a alcuerdos. "IX d'Asturies fai un llamamientu a Podemos Asturies por que, dende l'espaciu político y social de cambéu que dambes fuerces representamos na nuesa comunidá autónoma, trabayemos na constitución, antes del branu, d'un Gobiernu Plural de la esquierda na nuesa comunidá, presentándolo a la Federación Socialista (Asturiana FSA) lo primero posible posible la correspondiente propuesta".

El nuevu coordinador esplicó tamién ante los miembros de la coordinadora a la so disposición a encetar la relación con Podemos Asturies que, adelantró, namái va ser posible "dende'l respetu, dende la reconocencia ente iguales", daqué que, recordó, nun foi posible.

"Cuando falemos dende la reconocencia, dende'l respetu, cuando falemos ente iguales, que nos sentemos tamién a falar en redol a la exa programática", esplicó Zapico.

El máximu responsable de IU Asturies, faló tamién na so intervención del conflictu abiertu con IX Federal. Zapico aportunó en que se trata d'un problema xurídicu-estatutariu y amosóse confiáu en que, finalmente, algámese un alcuerdu. Nin IX Federal quier prescindir de IU Asturies, dixo, nin a la inversa.

Ovidio Zapico apostó por una IX Asturies que dexe de mirar escontra adientro pa centrase na política como ferramienta pa buscar soluciones a les necesidaes de la xente.

Na xunta de güei, tamién ta previstu nomar a los representantes de IU Asturies na Comisión Mista Paritaria que tien d'encetar el conflictu con IX Federal.