Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX recuerda que la derogación de la reforma llaboral ye unu de los sos oxetivos políticos y parte del alcuerdu de investidura de Xuníes Podemos y el PSOE

Pide Zapico cambeos nel alcuerdu anunciáu pol Gobiernu Central por que "Mieres puea faer lo mesmo que Durango"

IX apuesta pola supresión de la reforma llaboral daqué que la formación plantegó dende'l mesmu momentu nel que se presentaron los cambeos lexislativos na materia. Ovidio Zapico defendió güei la derogación de la reforma llaboral y recordó qu'ésta fuera "un oxetivu políticu d'IX" dende'l mesmu momentu nel qu'entró a valir. De fechu la reforma, añedió, "supunxo perxuicios bien grandes pa la clas trabayadora; abrió la puerta a deslocalizaciones -y de esto sabemos enforma n'Asturies porque vivimos inda fai bien pocos meses de la deslocalización de la empresa Vesuvius- y, a última hora, fueron años de regresión nes condiciones llaborales".

El diputáu aprofió que la reforma foi cuestionada y combatida y la so derogación forma parte del alcuerdu de investidura ente Xuníes Podemos y el PSOE: "lo que se fixo ayeri ye ampliar esti alcuerdu de derogar la reforma llaboral a un grupu parlamentariu más".

A xuiciu d'Ovidio Zapico ye necesario matizar aspeutos del puntu segundu d'esi alcuerdu pa garantizar el modelu de "España federal y solidaria" que defende IX. "Ha estendese toa esa capacidá de los Conceyos pa poder utilizar agora'l so remanente y poder realizar polítiques sociales en beneficiu de los más vulnerables al conxuntu de Conceyos del Estáu Español y que nun se queden solamente cinxíos a los Conceyos vascos o navarros. Yo creo que ye daqué cenciello, daqué natural, y daqué fácilmente entendible: quiero que cualquier Conceyu d'Asturies, que Mieres, por casu, puea faer lo mesmo que Durango.

Y eso ye daqué que tenemos reclamar güei dende Asturies.

Volver

Compartir

2014 Izquierda Xunida d'Asturies - Política de privacidad - Política de cookies