Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

09/06/2020

IX pide un plan pa la modernización y dixitalización de la Xusticia n'Asturies

Ángela Vallina cree que ye imprescindible implementar midíes p’actualizar el sistema xudicial cola incorporación de la cita previa telemática en dalgunos de los sos servicios

Izquierda Xunida reclamó güei un esfuerzu pa poner en marcha un plan de modernización y dixitalización de la Xusticia n'Asturies. La vocera de la formación Ángela Vallina esplicó que yera necesario aprovechar la esperiencia impuesta pol confinamientu p’ameyorar el sistema xudicial, que tuvo que trepar col confinamientu sufriendo "enormes dificultaes técniques", pa poder desenvolvese por aciu medios telemáticos.

Na comparecencia de la viceconseyera Xusticia, Encarnación Vicente Suárez, la diputada esplicó que los cambeos nel sistema de xusticia tendríen d'esquizar la posibilidá d'implementar un sistema de cita previa, vía internet, pa facilitar l'accesu a la ciudadanía en determinaos trámites, como nel Rexistru Civil o la Xusticia Gratuita, que son, dixo, los servicios más demandaos.

Vallina preguntó tamién sobro si punxérase en marcha o taba pindiu de faese un plan de choque pa superar la llista d'espera de procedimientos suspendíos mientres l'Estáu d'Alarma, daqué que, enfatizó, sería conveniente impulsar pa recuperar "cuanto antes" la normalidá nun serviciu públicu esencial".

La vocera d’IX Asturies riquió tamién información sobro si esistía dalgún plan de choque pa dar salida a los espedientes y procesos xudiciales que quedaron paralizaos mientres l'Estáu d'Alarma.

Volver

Compartir

2014 Izquierda Xunida d'Asturies - Política de privacidad - Política de cookies