Menu

IX y Podemos llevaron a la Xunta Xeneral del Principáu la xestión del agua d'Uviéu, privatizada, por que sía fiscalizada pola Sindicatura de Cuentes.

Dambos partíos suscribieron una iniciativa por qu’ésti organismu estudie si ta cumpliéndose‘l contratu en tolos sos estremos, daqué que según denunció a primeros d'añu IX Uviéu, nun taba asocediendo nestos momentos en dellos estremos del mesmu.

La conceyala Cristina Pontón, la conceyala Ana Taboada, la vocera d'IX nel parlamentu asturianu Angela Vallina, y el diputáu Rafael Palacios, ufiertaron esta mañana una rueda de prensa pa dar a conocer la iniciativa y denunciar posibles incumplimientos que taríen perxudicando los intereses municipales.

Los incumplimientos tendríen que ver col caltenimientu de les boques de riegu ya hidrantes, ente otros. Según Pontón, l'equipu de Gobiernu refugó ufiertar información amosándose opacu.

Son coses, esplico Pontón, que tendríen que tar siendo revisaes. Tamién esiste otra parte derivada de los informes de lliquidación favorable al Conceyu y que namáI en 2017 xubiría a 1,4 millones d'euros, una cifra que nunca se recibió nes arques municipales.

La conceyala Ana Taboada aseguró que'l conflictu supón una batalla por “defender l'interés públicu“ y que pasa pola fiscalización de la xestión de l'agua per parte d’Aqualia. La conceyala esplicó que, frente a los pidimientos de tresparencia, la empresa concesionaria elevara los niveles de “violencia” contra los funcionarios municipales. Intentando recusarlos pa encoyer que la comisión de siguimientu del contratu cumpla la so función fiscalizadora.

P’Angela Vallina ye imprescindible que la sindicatura estudie'l contratu al tar en xuegu l'interés públicu municipal. La diputada recordó que la so etapa frente al conceyu de Castrillon sufriera tamién los perxuicios de la privatización de l'agua y una revesosa concesión a la mesma empresa que remana un serviciu n'Uviéu. Con esta esperiencia, esplicó que nun-y sosprendía la situación na capital asturiana yá que, na xestión, la concesionaria siempres “barre” pa los sos propios intereses. Cualquier casu, Vallina aseguro que ye imprescindible xuna fiscalización estricta cola vegada que se trata d'un serviciu básicu pa la ciudadanía como ye l'agua.. cualquier casu, Vallina aseguro que ye imprescindible xuna fiscalización estricta cola vegada que se trata d'un serviciu básicu pa la ciudadanía como ye l'agua.

El diputáu de Podemos Asturies, Rafael Palacios, abogó pola recuperación de la xestión directa del agua y aseguró que nun ye aceptable que nenguna empresa privada aprovechese d'un bien básicu como ésti.