Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX pidi al Principáu equipamientos que complementen l’intercambiador de La Pola L.lena pa los nuevos trenes d'altes prestaciones

Ovidio Zapico pide al Gobiernu Rexonal y al Central qu'espliquen los sos planes pa la capital l.leniza pa cuando la Variante de Payares entre en funcionamientu

El diputáu d'IX, Ovidio Zapico, pidió güei nel Parlamentu rexonal una nueva estación en La Pola L.lena, que complemente l’intercambiador al que van llegar los nuevos trenes d'altes prestaciones una vegada entre en serviciu la Variante de Payares. Tratase de garantizar un accesu afayadizu, con estacionamientos pero tamién con unes instalaciones que resuelvan los graves defectos d'accesibilidá de les actuales, que daten d’hai 80 años.

El parllamentariu pidió que l'alderique alloñese de "disquisiciones" técniques que nun ayuden a clarificar les previsiones y que tienen de dar lluz sobro qué va pasar na capital l.leniza: "qué va pasar na redolada de La Pola L.lena onde va asitiase'l intercambiador. Gustaríanos escuchar los planes que tien el so Gobiernu ( el d'Asturies), los planes que tenga tamién el Gobiernu Central".

Pa Izquierda Xunida, la capital de L.lena tien de cuntar unes infraestructures afayadices pa la nueva llínea.

El Conseyeru d'Infraestructures, Alejandro Calvo, amosó'l so interés na propuesta que, anunció na sesión Plenaria, tien d'encetase dientro del mapa ferroviariu asturianu, estudiando les oportunidaes que s’abren cola llegada de los nuevos trenes a Asturies.

Volver

Compartir

2014 Izquierda Xunida d'Asturies - Política de privacidad - Política de cookies