Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

27/07/2020

IX pide un plan comarcal de movilidá nel Oriente que garantice la sostenibilidá medioambiental

Ovidio Zapico y Beatriz Alonso denunciaron güei la saturación na Olla de San Vicente ensin que se pongan midíes para compatibilizar turismu col restu d'actividaes tradicionales de la zona

Ovidio Zapico reclamó güei al Principáu qu'encete, con visión comarcal, los problemes de tráficu nel Oriente d'Asturies, pa lo que pidió un plan de movilidá que garantice la sostenibilidá. El diputáu movióse güei hasta la Olla de San Vicente, en Cangues d'Onís, precisamente pa denunciar la saturación que sufren espacios naturales como ésti. "Sí puede ser una cuestión estacional, pero nun ye una cuestión puntual y non yá ye una cuestión qu'afecta a un determináu llugar del Oriente d'Asturies: güei tamos en Tornín, na llende ente Cangues d'Onís y Amieva, pero apocayá tamién llevábamos al parlamentu asturianu la problemática qu'hai de movilidá nos accesos de Cabrales al parque Nacional; lleváramos yá, en cantidá d'ocasiones tamién les cuestiones rellacionaes colos accesos a los Llagos; en definitiva hai un problema importante de la movilidá nel Oriente d'Asturies", esplicó'l parllamentariu.

Zapico aseguró que tienen d'implementase midíes pa resolver la situación. Eso sí, matizó, "eso solo encétase dende una planificación que tien que tener una estratexa comarcal, qu'amás tien que poner en valor tolos conceutos que tienen que ver cola movilidá sostenible y col usu d'autobuses, fundamentalmente de lanzaderes allugares como ésti al que perfectamente podríen llegar y, amás, too tea acompañáu por otres cuestiones como son les infraestructures".

Trátase, añedió'l diputáu, de caltener l'actividá turística en "harmonía" cola vida normal nos pueblos, como pue ser l'actividá ganadera. "Nun pueden entrar en colisión elementoS como'l turismu y otres actividaes tamién tradicionales. Unes y otres tienen que ser perfectamente compatibles y eso llógrase dende planes estratéxicos".

IX yá presentó una entruga escrita por que'l Gobiernu esplique cómo tien previsto encetar los problemes de tou tipu, inclusive de seguridá vial que se dieron na Ruta a la Olla de San Vicente, derivaos del estacionamiento d'un gran númberu de vehículos na zona y na mesma carretera nacional 625,

Xuntu a Zapico, visitó la zona la conceyala Beatriz Alonso Bugueiro, qu'aseguró qu'a los problemes de saturación xúnense agora los derivaos de la necesidá de caltener la distancia social y otres midíes de seguridá necesaries pa evitar problemes sanitarios pol COVID19. La llegada masiva de persones xenera problemes d'aparcamientu pero tamién de llimpieza, yá que a pesar d'esa presión de visitantes solo Se recueyen refugayes dos vegaes per selmana. "Naide quier acutar el turismu pero sí tien qu'haber un orde, esto tien que tar controláu".

Volver

Compartir

2014 Izquierda Xunida d'Asturies - Política de privacidad - Política de cookies