Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX pide un cronograma y reflexu presupuestariu pal Centru de Salú de L.lena

Ovidio Zapico reclama al Principáu qu'abra'l diálogu cola Alcaldesa y que reflexe nel borrador del presupuestu una partida pa esti equipamientu

Izquierda Xunida pidió güei un calendariu clarU pa la execución del proyectu de nuevu Centru de Salú de La Pola L.lena. El diputáu Ovidio Zapico llevó a la Xunta Xeneral del Principáu'l malestar pola falta d'información sobro un equipamientu prioritariu pal conceyu. El cronograma, reivindicó'l parllamentariu, ye una necesidá nuna tema que, añedió, ye yá "cansino". "Lo primeru que tenemos saber, y ye daqué que ta reclamando'l Conceyu de L.lena al traviés de la so Alcaldesa, ye un calendariu sobro cuál va ser la fecha de cada finxu nesta construcción".

IX, recordó Zapico, tuvo la capacidá d'axustar y alcordar col Gobiernu, lo que se reflexó nuna partida nos presupuestos precisamente pa poner en marcha'l Centru de Salú. Dende esa posición de pactu, el diputáu consideró que la so esixencia del relleno del mesmu queda perfectamente xustificada, más nuna situación de malestar en L.lena. "Nun podemos perder de vista quien gobierna en L.lena. Tien usté que tener una interlocución directa cola Alcaldesa de L.lena. Facilitaría descomanadamente la situación actual y, posiblemente, evitaría ciertes movilizaciones que pudieren empecipiase mientres los próximos díes si llogramos tener esi calendariu y esi alcuentru ente ustedes".

El choque ente alministraciones, esplicó Zapico, puede evitase. "Creo qu'el mio grupu parlamentariu ta ufiertándo-y enforma en cuenta de bien poco". En resume, enfatizól diputáu, va tratar d'abrir el diálogu col Conceyu de L.lena, afitar un calendariu y reflexar nel futuru borrador del presupuestu de 2021 una partida que dea fe del compromisu con esti proyectu.

Volver

Compartir

2014 Izquierda Xunida d'Asturies - Política de privacidad - Política de cookies