Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX y Podemos llogren aprobar una moción conxunta en defensa de la cooperación internacional

Izquierda Xunida y Podemos llograron güei l'aprobación d'una Proposición non de Llei (PNL) en defensa de les polítiques d'ayuda al desenvolvimientu n'Asturies.La iniciativa surdió dempués de qu'Uviéu decidiera abrazar les posiciones insolidaries de Vox, esaniciando les partíes para Cooperación Internacional, rompiendo décades de solidaridá colos países aprobetaos, al aceptar PP y Ciudadanos les presiones de la ultraderecha.

La propuesta salió adelantre colos votos d'IX, Podemos y PSOE y supón un reproche a les alministraciones públiques que, como Uviéu, abandonen les polítiques de cooperación al desenvolvimientu al esaniciar les partíes a tal fin no que se considera una "flagrante contradicción" coles orientaciones de Naciones Xuníes y coles disposiciones del nuesu ordenamientu".

Amás, gracies a esta PNL encamentase al Conseyu de Gobiernu a reforzar les polítiques de cooperación al desenvolvimientu, avanzando nel cumplimientu de los oxetivos establecíos na Llei asturiana de Cooperación al Desenvolvimientu y nos encamientos de Naciones Xuníes, fortaleciendo amás a les ONG's dedicaes a la solidaridá, la cooperación internacional al desenvolvimientu y la defensa y promoción de los derechos humanos.

La vocera d'IX, Ángela Vallina, reprochó con durez la docilidá de PP y Ciudadanos a los postulaos insolidarios de Vox, de la que refugó la falsa dicotomía entre la solidaridá local ya internacional.

Per parte de Podemos, el diputáu Rafael Palacios pidió un esfuerzu pa garantizar que se caltienen les polítiques de cooperación al desenvolvimientu que, dixo, son entá más necesaries que nunca, tal que demostró la pandemia.

Per parte del PSOE, que se sumó a la iniciativa, la diputada Lidia Fernández reclamó compromisu, consensu y diálogu.

Volver

Compartir

2014 Izquierda Xunida d'Asturies - Política de privacidad - Política de cookies