Angela Vallina reprocha falta de diálogu y pide que s'apaute'l cambéu cola comunidá educativa
La vocera d'IX Asturies, Ángela Vallina, reclamó güei a la Conseyera d'Educación, Carmen Suárez, que suspenda'l cambéu d'horariu pal colexu Celestino Montoto de Pola de Siero, hasta l'entrín y non non algame un alcuerdu apautáu con el mesmu centru según cola comunidá educativa. Vallina reprochó una vegada más la falta de talante del departamentu que, de nuevu, vese envueltu nun conflictu por tomar de decisiones de forma unillateral. "Una vegada más vemonos na obligación de pidir a la conseyera d'educación diálogo. Diálogu por que paralice cualquier cambéu nos horarios del colexu Celestino Montoto”.
Los horarios del Colexu Celestino Montoto determináronse de primeres del cursu y les families tuvieron qu'afaese. Lo que nun ye aceptable esplicó Vallina, ye que, agora, cuando amás paez que too funciona, pola tozudez de la Conseyería pretenda modificar y ensin escuchar nin tener en cuenta'l paecer de madres y padres. “Esto nun ye trabayar pola conciliación“ reprochó Vallina.
La vocera d'IX reclamó amás a la conseyería d'educación que cumpla los sos compromisos y que liquide la Adenda al conveniu de 0 a 3 roblada con Siero pal 2019 y 2020 y que, criticó, sigue pindio, lo qu'obliga'l conceyu adelantrar el financiamientu d'esti serviciu. “Una vegada más, señora Conseyera, diálogu”, reivindicó Vallina.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies