Menu

Ángela Vallina reclama que las restricciones que afecten al tejido productivo se acompañen de medidas para paliar sus efectos en los sectores afectados: "la administración no puede quedarse atrás en esta situación"

Ángela Vallina reclama que les restricciones qu'afecten al texíu granible acompañense de midíes pa desaniciar los sos efectos nos sectores afectaos: "l'alministración nun puede quedase tras nesta situación"

Izquierda Xunida reclamó güei que se ponga en marcha con calter d'urxencia la execución del Fondu de Rescate 2021. La situación, con sectores qu'inda tán zarraos o en mínimos como la mayoría del turísticu, o, agora, col zarru de la hostelería en Grau de resultes del rebrote de COVID-19 esixe la máxima rapidez para poder faer llegar les ayudes al texíu granible. La vocera de la formación, Ángela Vallina, pidió qu'empiece a desbloquiase'l sofitu económicu que dexa'l Fondu. "L'alministración nun puede quedase tras nesta situación: si güei publicase nel BOPA el zarru d'un sector, como agora en Grau, nesi mesmu BOPA tienen que recoyese les midíes d'aliviu que se prevean, sinón too, sí siquier dalgunes que puedan evitar la desintegración de los sectores afectaos".

El malestar llega no que paez ser la tercer fola pol COVID-19 y que yá afecta a Grau que la so hostelería vese nuevamente cutida. Dende l'equipu de Gobiernu, pidieron al Grupu Parlamentariu d'IX el máximu nivel d'esixencia pa entainar les ayudes. "Grau sufre nestos momentos el primer envite d'esti recrudecimientu de les andaes, pero nun ye un casu aislláu: necestiamos midíes pa dar respuesta a les necesidaes nesti conceyu y nel restu del territoriu, adelantrándonos siempres que sía posible a les consecuencies de les restricciones que tengan d'adoptase".

Pa Vallina, el control de la pandemia ye, ensin dulda, la prioridá. "Defendemos agora, como siempres, que s'adopten les midíes necesaries pa evitar andaes, siempres que lleguen sofitaes por criterios científicos que son los que tienen de prevalecer pa garantizar l'atención sanitaria y evitar el colapsu del sistema. Y creemos que ye compatible cola axilidá pa poner, al tiempu, los mecanismos necesarios pa ser a desaniciar los sos efectos sobro'l texíu granible".