Menu

Ángela Vallina y Ovidio Zapico reivindiquen un modelu de xestión d'estos recursos que faciliten la percepción a los beneficiarios "con pocos requisitos para pidiles" y xustificación a posteriori

IX va allegase mañana a la primer xunta pa encetar la execución del Fondu de Rescate col enfotu de que'l modelu iguara les detectaes nel anterior y cola esixencia del máximu baramentu pa la so puesta a disposición de los colectivos afectaos. La vocera d’IX na Xunta Xeneral del Principáu, Ángela Vallina, aprofió esta mañana la necesidá de que la implementación d'esti mecanismu sía bien axilosu. "Nun podemos tener a la xente esperando poles ayudes. Tán empezándose a tomar ayudes más restrictives, y pue que esto vaya a más, lo lóxico ye que les ayudes tean disponibles yá". Pa ello, añedió la parllamentaria, tien de plantegase un mecanismu pa la so percepción que prime la urxencia: "que sían pocos requisitos pa solicitala y pa recibila (l'ayuda), que sía a posteriori la gran xustificación. Tien que recibise l'ayuda de manera axilosa y rápida: les neveres nun esperen pa enllenase nin los plazos nel bancu, nin les hipoteques, nin nada".

Pela so parte, el coordinador xeneral d’IX Asturies, Ovidio Zapico, reivindicó que'l fondu trabaye de forma coordinada coles midíes de control antiCOVID. "Les ayudes, tamién lo diximos más vegaes, tienen que tar acompasaes al ritmu de les restricciones nel Boletín (Oficial del Principáu d'Asturies BOPA). Si nel Boletín de güei hai restricciones, nesi mesmu Boletín tien qu'haber ayudes qu'embrivan un pocu los daños qu'eses restricciones causen".

Per otru llau, tocantes a l'Alianza pola Industria, a entrugues de la prensa