Menu

Ángela Vallina reprocha a Carmen Suárez que se conforme con unos encamientos en cuenta de tener yá un protocolu de ventilación harmonizáu para tolos centrros

Izquierda Xunida pidió güei a la Conseyería d'Educación midíes p’ameyorar la seguridá nes aules. La vocera de la formación, Ángela Vallina, recordó qu'a lo llargo de los últimos meses, tanto'l so grupu como otros de la Cámara, solicitaron de forma insistente, la unificación de criterios de ventilación en tolos centros. Pa ello, la diputada consideró imprescindible un protocolu harmonizáu pa tolos centros y que sirva pa maximizar la eficacia preventiva embriviendo, al empar, los riesgos, tanto pa estudiantes como para docentes. "Y nun me diga que lo tien porque nun lo tien. Lo que tien son unos encamientos emponedores que s'unviaron a los centros per corréu electrónicu".

Vallina empobinose a la Conseyera Carmen Suárez pa qu'esplicara si s'instalaren mididores de la calidá del aire, tal que se reclamaren, coles mires de garantizar la ventilación siempres que, de forma oxetiva, fora necesario. La diputada reprochó qu'hasta agora nun se punxeren en marcha estes midíes yá que, añedió, la imposibilidá de saber si esa aireación ye o non necesaria obliga a la comunidá educativa a caltener de forma permanente abiertes les ventanes, a pesar del fríu.

Pero amás, la parllamentaria amosóse especialmente crítica porque los mesmos encamientos de la Conseyería inclúin la midida periódica de los niveles de CO2. Al pie de ello, tampoco se resolvió cómo asegurar la calidá del aire n'instalaciones concretes que la so estructura torga o enzanca esa renovación y para les que sería necesaria la puesta en funcionamientu de purificadores.

La Comisión d'Educación foi una sucesión de reproches. Ello ye que Vallina llevaba nes sos entrugues otra batería rellacionada coles cafeteríes del institutu, que los sos contratos d'esplotación nun fueron anovaos, a pesar de la pandemia, dexando nuna difícil situación a les 126 families concesionaries.

El conflictu producióse dempués de que'l departamentu de Carmen Suárez decidiera rescindir los contratos en cuenta de favorecer una prórroga que pudiera, siquier en parte, desaniciar los efectos del zarru obligáu pola pandemia sanitaria. "Dexó colgaes" a eses families, refartó Vallina, que recordó que la decisión, torgó al colectivu, amás, l'accesu a les ayudes del fondu COVID.