Menu

IX, Podemos y Foru pretendíen garantizar la protección del gasómetru 2, les cinco chimenees, el taller mecánicu y l'almacén industrial de la factoría de ENSIDESA Avilés

PSOE, PP, ciudadanos y Vox refugaron güei la propuesta d'IX, Podemos y Foro pa incluyir nel inventariu de Patriomonio cultural d'Asturies el gasómetru númberu 2, les cinco chimenees, el taller mecánicu y l'almacén industrial de la planta de bateríes de fornos de cok y subproductos de la Empresa Nacional Siderúrxica, SA (Ensidesa), n'Avilés. La iniciativa, qu'asume los postulaos del Centru d'Estudios de l'Alfoz de Gauzón nun llogró sicasí'l sofitu de les dereches nin tampoco de los socialistes a pesar de que la mesma dexaba compaxinar l'usu industrial d'estos terrenes col caltenimientu d'un patrimoniu que'l so riego de desapaición foi alvertíu dende Hispania Nostra, la más importante entidá nel caltenimientu del legáu cultural del país.

La vocera d'IX, Ángela Vallina, “ENSIDESA forma parte del nuesu imaxinariu recién, como una empresa que s'asitiaba na cabeza de l'Asturies industrial. Falar de la fábrica, de la fabricona, ye faelo d'una referencia insoslayable de la nuesa hestoria recién, la que toma dende la segunda metá del sieglu pasáu hasta agora”. Frente a los que-y nieguen caltener estos elementos, pa Vallina esti patrimoniu tien de siguir xugando un papel fundamental nel desenvolvimientu económico y social d'Asturies”.

Según la diputada, l'actividá granible nun ye incompatible cola preservación d'aquellos elementos de l'arquitectura industrial que, al so xuiciu, convirtiéronse en icónicos polo que constitúin una referencia de memoria.