El diputáu asegura que la presencia d'una comunista, Yolanda Díaz, al frente del Ministeriu de Trabayu foi un dique de contención frente a la destrucción masiva del emplegu
"La pandemia supunxo la victoria de lo público. Ye un fechu incontestable". Asina de contundente manifestábase güei’l diputáu y coordinador xeneral d’IX Asturies; Ovidio Zapico, mientres la so intervención sobro'l dictame y votos particulares de la Comisión Especial non Permanente d'Estudiu de la xestión de la crisis sanitaria, social y económica provocada pola COVID19. "Supunxo tamién -siguió'l parllamentariu- la victoria de lo colectivo, d'aquellos que siempres defendimos qu'había que primar la llibertá colectiva, la seguridá colectiva, frente a los egoísmos personales, frente a les individualidaes
Esa primacía de lo público, señaló'l dirixente d'IX, ye la única manera de salir alantre de les crisis: "non solo de la crisis sanitaria, de la económica, de la social y de la llaboral". Ello ye que la pandemia vieno demostrar una clara victoria del intervencionismu na economía. "Tien que reconocelo, señoría, tienen que reconocelo inclusive aquellos que tán más alloñaos ideolóxicamente d'estes posiciones".
Pa Zapico, los efectos de la pandemia fueren letales pa la mayoría de la población y pal conxuntu de la economía si nun hubiera una cobertoria pública daqué que, dixo, naide puede negar a la vista de la evolución de la crisis global. Un exemplu incontestable fueron los planes pa evitar zarros y despidos al traviés de los ERTES. "Quiero destacar el papel d'una ministra, d'una muyer, comunista, al frente del Ministeriu de Trabayu, que fixo una política valiente y que foi capaz de, con esos ERTEs, qu'articuló y consensuó con sindicatos y patronal, faer d'ello una auténtica barrera, un auténticu dique de contención frente a la destrucción masiva d'emplegu. Gracies a la Ministra Yolanda Díaz, güei, los y les trabayadores d'esti país tán nuna situación meyor que si ella nun tuviera al frente del Gobiernu".
🗣@ovizapico «La pandemia ha supuesto la victoria de lo público, de lo colectivo, de aquellos que siempre defendimos que había que primar la libertad colectiva, la seguridad colectiva, frente al individualismo.»https://t.co/QCNO3qgawY
— IU Asturias (@iuasturias) March 24, 2021
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies