Ángela Vallina reprocha la xestión de la Conseyería no que considera un maltratu a les families no tocante a la educación semipresencial y recuerda los retayos en personal docente y non docente cola escusa de la crisis
La vuelta a les aules el próximu cursu centró güei les entrugues d’IX Asturies a la Conseyera d'Educación, Carmen Suárez, a la que pidió qu'esplique cómo piensen recuperar la normalidá nos centros educativos y si les families yá recibieron información sobro'l futuru que tendrán d'encarar los sos fíos y fíes en materia educativo. La vocera parlamentaria, Ángela Vallina, reprochó al titular del departamentu una xestión dacuando errática y que, como nos grupos mistos y de la educación semipresencial, “foi un exemplu de maltratu a les families y de desinterés por esta Xunta Xeneral que-yos mandató a dialogar”.
La diputada pidió tamién información énte les manifestaciones del Presidente Adrián Barbón y otros mandos d'Educación nes que s'apunta a que'l cursu que vien nun va haber nin aules mistes, llamaes tamién internivel nin clases semipresenciales pa les alumnes y alumnos de secundaria, bachilleratu y formación profesional. Trátase, a xuiciu de Vallina, d'una bona noticia que vien correxir la catástrofe” d'esti cursu, “mal diseñáu, mal planiáu y peor executáu”. Lo peor, según la parllamentaria, ye que la catástrofe yera previsible porque, llamentó, “tolos grupos de la Cámara, toos, alvertímoslu de que, tanto los grupos internivelares como la semipresencialidá, nun yeren sinón mecanismos burdos pa la salir del pasu que, amás, nun fueron aldericaos nin negociaos, nin coles y los docentes nin coles AMPAS nin con naide. Esti cursu foi un exemplu d'improvisación, mal talante y falta de talentu. Nun ye esplicable la falta de planificación qu'ustedes tuvieron avanzada yá la pandemia”.
Pa Vallina, Educación tien d'esplicar a les families cómo piensa superase la desventaxa de los alumnos y alumnes afectaos pola so inclusión n'aules mistes internivel, y los de la educación semipresencial: “ ¿esplicó-yos usté o daquién del so equipu a les madres y padres d'esi alumnáu cómo va garantizar que recuperen el cursu que vien la fienda que los dixebra del restu de los sos compañeros?
Per otru llau, al respective de la planificación pal próximu cursu, Ángela Vallina pidió a la Conseyera d'Educación qu'esplique qué previsiones embaraxa en función de los distintos escenarios epidemiolóxicos, de la qu'esixó que de los mesmos déase cunta tanto a les Asociaciones de Madres y Padres (AMPAS) como a los representantes del personal docente una y bones, recordó, “hai un mandatu d'esta Xunta Xeneral qu'asina lo esixe”
Vallina refugó que pueda volver producise lo del presente curso, cuando Carmen Suárez refugó cualquier tipu de planificación hasta conocer l'escenariu epidemiolóxicu yá que, acotó, “eso llévanos otra vegada al mesmu desastre que nesti cursu. Reconozo que tengo bien poco enfotu n'usté y nel so equipu, señora conseyera, pero espero pol bien de la educación pública asturiana qu'esta vegada nun vuelva fallar”.
Na intervención, la vocera d'IX recordó que cola pandemia la Conseyería d'Educación xustificó la rescisión de los contratos de les cafeteríes d'institutu, dexando a les 123 families trabayadores, ensin ingresos, de la que s'aprobó una “malhadada” circular d'entamu de cursu, anulada depués pol Tribunal Cimeru de Xusticia d'Asturies, pola qu'amenorgaben les 258 places de maestres y maestros d'audición y llinguaxe y 149 profesores de sofitu en pedagoxía terapéutica del cursu anterior a namá 103 ente les dos especialidaes.
🗣@AngelaVallina ¿ha explicado la Consejera de Educación de @GobAsturias a las madres y padres cómo va a garantizar que las y los alumnos recuperen el curso que viene la brecha educativa derivada de la semipresencialidad y de los recortes en personal docente y no docente? pic.twitter.com/MB8hZGTkyg
— IU Asturias (@iuasturias) May 18, 2021
Por el bien de la educación pública asturiana exigimos a @GobAsturias y a la Consejera de Educación planificación y protocolos epidemiológicos que no deriven, otra vez, en el mismo desastre que ha definido este curso la acción política de la Consejería de Carmen Suárez. pic.twitter.com/MfvQIu7p8E
— IU Asturias (@iuasturias) May 18, 2021
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies