Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX esixe'l cronograma sobro'l procesu de tresferencies en materia hidráulico

Ovidio Zapico reivindica una especial sensibilidá pa los Conceyos colos que tien d'establecese un marcu de collaboración con Confederación.

Izquierda Xunida pidió empecipiar el procesu de tresferencies, con un cronograma ciertu, en materia hidráulico, inda xestionada pola Alministración central no que, a xuiciu del diputáu y coordinador xeneral de la formación, Ovidio Zapico supon una anomalía democrática: "les competencies son nueses, refléxense nel Estatutu, tenemos d'asumiles y tenemos que tener la dirección política del caltenimientu, del usu y de toles polítiques sobro'l desenvolvimientu sostenible que entrono a los ríos puedan faese".

Respectu al calendariu, dempués de 40 años ensin faer nada p'asumir estes competencies, Zapico señaló que ye imprescindible tener feches concretes, tantu del entamu como de la constitución de la mesa de negociación.

Amás, el parllamentariu reclamó que la Dirección Xeneral d'Agües, constituyida nesta llexislatura, esplique cual va ser el planteamientu políticu per parte del Gobiernu d'Asturies que se va llevar a la negociación col Estáu.

El coordinador xeneral d'IX esixó una especial sensibilidá escontra les alministración locales, por culpa de que tamién se van ver afectaes. "Los Conceyos tienen dificultaes; sabe que Confederación ta esixéndo-yos muncho más de lo que-yos debería corresponder y precisen, de primeres, un mensaxe de tranquilidá y, de segundes, un mensaxe de que van fae-yos una llamada a la collaboración, estableciendo marcos de collaboración con ellos pa poder satisfaer lo que Confederación demanda".

Volver

Compartir

2014 Izquierda Xunida d'Asturies - Política de privacidad - Política de cookies