La formación va llevar al Plenu municipal la situación d'esta emblemática sienda con problemes de caltenimientu nes valles de protección y notros puntos del percorríu
Izquierda Xunida de Sobrescobiu va llevar al Conceyu la situación de la ruta del Alba coles mires d'esixir que se reparen tolos puntos de riesgu esistente na emblemática sienda.
"Sabemos que los arreglos son cosa del Principáu, pero'l Conceyu tamién ye responsable d'esixir un caltenimientu afayadizu. Esisten tramos de la ruta nel que les valles de protección tán bien deterioraes o inclusive sumieron y esto nun asocedió d'un día pa otru, sinón a lo llargo d'un periodu enllargáu de tiempu por una insuficiente llabor de vixilancia y caltenimientu", esplicó María Jesús Arenal, vocera d'IX nel conceyu.
Pa IX nun ye imprescindible que se pongan midíes coyunturales pa reparar los desperfectos pero, sobremanera, ye necesario caltener una inspección regular. "La ruta, pol so altu nivel d'atracción de visitantes, rique un programa siguíu de caltenimientu. Creemos que les valles tán puestes coles mires d'aumentar la seguridá de quien percuerre esta sienda, por eso nun podemos entender que se diga que la so mala traza o desapaición nun supón nengún riesgu", señaló Arenal.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies