Menu

Ovidio Zapico resalta que la so formación, en solitario, llogró "frenar" una axenda conservadora en materia presupuestario y fiscal

Izquierda Xunida va dar un sí “distante” a los presupuestos d'Asturies pa 2022. El diputáu y coordinador xeneral de la formación, Ovidio Zapico, aseguró esta mañana que'l grupu parlamentariu va sofitar les cuentes del próximu añu por sentíu de la responsabilidá, énte una situación que rique cuntar con recursos abondos pa dar respuesta a los retos de la COVID19 y, tamién, pa la reactivación económica. “Ye un sí distante d'una llínea política qu'empezamos a acolumbrar y que nun nos gusta nada. Vemos con esmolición cómo'l Gobiernu d'Adrián Barbón xira, con demasiada frecuencia y non yá en cuestiones presupuestaries sinón tamién en cuestiones lexislatives, escontra fuerces polítiques que güei, güei, yá representen bien poco más allá de, posiblemente, intereses privaos na Xunta Xeneral. EsI nun ye'l camín”

La Coordinadora, esplicó Zapico, ratificó na nueche d'ayeri, pol 75% de los votos, los alcuerdos presupuestarios, nos qu'IX llogró, en solitariu, evitar el peligru de rebaxes fiscales que promovíen distintos grupos de la derecha: “Izquierda Xunida, solos, ensin ayuda, llogramos frenar una axenda conservadora nel presupuestu y en materia fiscal. Y facer una fuerza político con solu dos diputaos”.

Zapico destacó la capacidá de “diálogu”, “alcuerdu” y, tamién de “faer arrenuncios” necesaria pa poder llegar a pactos amplios. Tratase d'un presupuestu continuista na sienda marcada nel alcuerdu de investidura, con más recursos p'Atención Primaria, Salú Mental un compromisu pa contratar más técnicos de cuidos auxiliares d'enfermería nes residencies pa mayores, o un plan p'abrir nuevos centros de 0 a 3 años. Asina mesmo, el coordinador xeneral aprofió la importancia del Plan pa la Meyora de la Movilidá nes Zones Rurales. Axustamos un plan p'ameyorar la movilidá nes zones rurales, más inversión n'I+D+i y recursos adicionales pa erradicar especies invasores.

Los presupuestos, reconoció'l coordinador xeneral d'IX, podríen ser entá más progresistes. Sicasí, la formación tuvo qu'axustar en solitariu: "vímonos solos na negociación d'estos presupuestos. Igual que l'añu pasáu entendíamonos con Podemos y col PSOE y cerrábamos aquel corazón social del presupuestu, y nesta ocasión, desgraciadamente, nesta negociación nun pudimos tener esos calces de diálogu que nos dexaren con dalguna midida haber avanzáu más".