Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX pide formalmente al presidente de la Xunta qu'incluya pa la xunta de voceros la habilitación de xineru pa la reforma del Estatutu

Ángela Vallina cree que ye'l momentu de "pasar de les palabres a los fechos" y que cada grupu "retrátese"

Izquierda Xunida pidió güei, de forma oficial, al Presidente de la Xunta Xeneral, Marcelino Marcos Líndez, qu'incluya nel orde del día de la xunta de Voceros d'esta mesma selmana l'alderique pa la habilitación de xineru como mes útil con cuenta de desenvolver los trabayos de reforma del Estatutu d'Autonomía.

La vocera, Ángela Vallina, esplicó qu'IX decidió formalizar el llamamientu realizáu al restu de fuerces énte'l silenciu a una propuesta indispensable si quier llegase a tiempu pa garantizar l'aprobación de la inclusión de la oficialidá esta llexislatura, non yá n'Asturies, sinón en Madrid, por culpa de que les reformes del Estatutu tienen de ser tamién refrendaes nel Congresu.

"Llevamos meses pidiendo que s'empecipie'l procesu pa la reforma del Estatutu. N'Ochobre yá plantegamos un calendariu, xuntu con Podemos, pero'l Gobiernu, que ye quien tendría de liderar les distintes fases d'esti trascendental cambéu lexislativu que queremos faer n'Asturies, nin siquier respondió. Y énte esti silenciu, llega'l momentu de que cada grupu parlamentariu retrátese: hai que pasar de les palabres a los fechos", dexó afitao Ángela Vallina.

Por ello, según la vocera d'IX, más allá de declaraciones, nestos momentos ye necesario tomar decisiones: "Esperamos que'l presidente incluya pal so alderique na xunta de voceres la habilitación de xineru pa empecipiar los trabayos de reforma del Estatutu. De la mesma que tamién esperamos que quien dicen que tán a favor de llograr nesta llexislatura la oficialidá, pos se comprometan de verdá y la manera de demostralo ye aprobando esti pidimientu. Si nun s'habilita xineru, vamos quedar como una cosa que ye prometer y nun cumplir lo prometío, que d'esto tamos toos, la ciudadanía, un pocu fartos: la política non solamente ye prometer, ye cumplir lo prometío. Hai que ser serios y que cada grupu se retrate"

Volver

Compartir

2014 Izquierda Xunida d'Asturies - Política de privacidad - Política de cookies