Ángela Vallina reclama, como precondición imprescindible, la separación de la xurisdicción civil y penal n'esi partíu xudicial, recuerda que la TSXA lleva años plantegando esta necesidá
Izquierda Xunida pidió güei, nel Plenu de la Xunta Xeneral, la creación d'un Xulgáu de Familia pal Partíu Xudicial d'Avilés, al igual que yá funcionen n'Uviéu y Xixón. La vocera d'IX, Ángela Vallina, esplicó que la población, con un padrón d'unes 125.000 persones, xustifica la constitución d'esti xulgáu especializáu. "La creación d'un Xulgáu de Familia, esto ye, d'un xulgáu especializáu, ye una esixencia tamién pa garantizar l'aplicación de la llei dende una perspectiva de xéneru, pa contribuyir a erradicar la mirada patriarcal, sexista y machista que, munches vegaes, tien el sistema xudicial que, hai que dicilo, espresase en delles sentencies que rezumen un machismu indignu d'un país modernu como'l nuesu".
Pa Vallina, ye imprescindible que la xudicatura tenga una formación "especializada" tantu na materia como na perspectiva de xéneru: "convien recordar, tamién, qu'asina lo establez el conveniu d'Istambul, robláu per España".
La situación d'Avilés oldea claramente cola d'Uviéu y Xixón onde, cada unu d'esos partíos xudiciales, tien dos Xulgaos de Familia. N'Avilés, llamentó Vallina, "nun cuntamos nin con separación de xurisdicción civil y penal nin con Xulgáu de Familia cuando, por población atendida, tendría de cuntar con ese xulgáu. Esa separación d'ordes xudiciales, que ye la precondición pa la creación d'un Xulgáu de Familia, ye una esixencia que lleva plantegando'l Tribunal Cimeru de Xusticia d'Asturies nes memories de los últimos años pero que, sicasí, nun s'acaba de concretar. Sería deseable que'l Gobiernu d'Asturies fixera cuantes xestiones fueren necesaries pa consiguilo, especialmente, tres la creación d'un nuevu Xulgáu d'Instrucción y Primer Instancia que dexaría llevalo a cabu".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies