Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Conceyu d'Uviéu y Gobiernu d'Asturies balten la propuesta d'IX para obligar al Principáu a diseñar un nuevu Plan del Cristu

Alejandro Suárez asegura qu'agora queda claro que nun va haber solución pa esta zona clave d'Uviéu nin nesta nin na próxima llexislatura

La propuesta d'IX pa garantizar l'usu públicu de los terrenales propiedá de la Comunidá Autónoma, y les alministraciones local y central nel Cristu Buenavista quedó güei refugada tres la confluencia de les dereches, sacantes Foru que s'abstuvo, y el PSOE na votación de la moción que prevía blindar estos solares frente a la especulación. Alejandro Suárez, voceru d'IX d'Uviéu denunció'l contuberniu ente'l Conceyu d'Uviéu y el Gobiernu d'Asturies que sindicaron los sos votos na Xunta Xeneral pa baltar la moción qu'encamentaba al Executivu d'Adrián Barbón a presentar antes de final d'añu un Plan d'Usos de los terrenes del Cristu de la so propiedá qu'evitara'l so usu especulativu. “Lo que nos quedó claro güei a IX ye l'absolutu desinterés tantu per parte del Principáu como per parte del Conceyu d'Uviéu en resolver la situación del Cristu. La votación de güei na Xunta, la derrota que tuvo la iniciativa d'IX supon que'l problema nun va tar resueltu, tampoco, pa la llexislatura que vien porque los tiempos urbanísticos van comese casi la llexislatura na so totalidá.

Por tanto, señaló Suárez, “el Cristu sigue nel campu de les conxetures y de les idees”. L'alministración local, al so xuiciu, nun llidera lo que tendría de ser una esmolición tanto pal futuru de la ciudá como d'Asturies yá que, aprofió, "los terrenes del Cristu son muncho más qu'Uviéu".

El voceru d'IX n'Uviéu, foi especialmente críticu cola posición del partíu d'Inés Arimada, nuna deriva que, al so xuiciu, llevar a la irrelevancia. "El papelón permanente de Ciudadanos, que son la fiel infantería de los dos grandes partíos, intentando esculpalos, echando balones fuera cuando, amás, tienen la responsabilidá del urbanismu d'Uviéu. Eso ye un gran papelón enxitosu que demuestra qu'esti partíu, cuanto antes vayamos a les instituciones, más vamos ganar toos en salú democrática".

Pa Suárez, perdióse una oportunidá pa desbloquiar la rexeneración d'esta zona d'Uviéu. "El problema de fondu sigue ende y güei el final del primer periódu de sesiones d'anguaño ve que'l Cristu ye unu de los grandes problemes por resolver la llexislatura que vien".

Esa confluencia de les dereches y el PSOE esbarató una propuesta que, como esplicaba la vocera parlamentaria, Ángela Vallina, pretendía superar el fallíu Plan del Cristu-Buenavista, garantizando un usu puramente públicu de los suelos propiedá del Principáu d'Asturies un alcuerdu col restu d'alministraciones y entidaes públiques propietaries pa poder ordenar urbanísticamente esti espaciu, tollo cola participación del vecindariu.

Volver

Compartir

2014 Izquierda Xunida d'Asturies - Política de privacidad - Política de cookies