Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Zapico cree que la PNL en defensa del sector pesqueru pue ser 'la primer victoria' pa evitar que la guerra a la burocracia debilite la garantía medioambiental

La Xunta Xeneral aprobó güei una proposición non de llei (PNL) coles mires de protexer al sector pesqueru asturianu frente a l'amenaza que supondría la instalación de parques eólicos marinos en cales.

Con esta iniciativa, impulsada conxuntamente por Izquierda Xunida, Podemos Asturies, Partíu Popular, Ciudadanos, y Foro Asturies encamiéntase al Conseyu de Gobiernu a dirixise al Gobiernu d'España con esti fin y por que se tenga en cuenta'l denomináu “Manifiestu de Burela en defensa del sector pesqueru del Cantábricu-Noroeste” y reciba a una representación de les sos organizaciones, confreríes y entidaes firmantes en visu a conocer de primera esquito les razones de la so alarma énte la implantación d'instalaciones y complexos eólicos marinos. L'aprobación d'esta PNL, enfatizó’l diputáu y coordinador xeneral d’IX Asturies, Ovidio Zapico, puede suponer, "la primer victoria pal mediu ambiente frente a determinaes propuestes lexislatives agresives, qu'anteponen el beneficiu particular a los intereses xenerales, y ello a pesar de que ye posible, reconocía, que dalgunos de los grupos firmantes de la mesma lo fixeren más por cuestiones estétiques, como "trampantoxu" que por convencimientu real. "Puede suponer que teamos énte'l primer día en que'l Parlamentu asturianu díga-y al nuesu Gobiernu que la guerra contra la burocracia nun tien de significar una ausencia de garantíes medioambientales".

El diputáu y coordinador xeneral d’IX Asturies, Ovidio Zapico, aseguró que ye imprescindible compaxinar un horizonte "descarbonizáu" pero con un esplegue de les enerxíes anovables que nun pongan en riesgu otres actividaes granibles tradicionales como la pesca. Nesi sentíu, defendió la necesidá de midíes qu'eviten que la construcción de parques eólicos marinos puedan poner en peligru les cales y torgar otres consecuencies indeseables pa espacios protexíos na mariña.

Tratase de defender, según zapico, "una actividá histórica, sostenible, tradicional como ye'l de la pesca na cornisa y na nuesa comunidá cantábrica y que la defendamos d'afecciones medioambientales que pueden producir tantu la contaminación acústica como l'alteración en foles y corrientes marines que pueden afectar a eses especies, que pueden afectar por tantu a esi trabayu que nun dexa de ser tamién una fonte de soberanía alimentaria".

La Declaración de Burela, recordó Zapico, cita textualmente elementos que se tán aldericando nestos mesmos momentos nel panorama políticu asturianu. "Nun aceptamos esti cambéu de paradigma que poderosos grupos de presión con avenida, en munchos casos, de les nueses alministraciones, pretenden imponenos. ¿Suéna-yos, verdá? Yo creo que foi la exa política del intensu alderique qu'ayeri mesmu caltenía col Vicepresidente del Gobiernu nesti hemiciclu: grupos de presión con avenida, en munchos casos, de les alministraciones y que, desgraciadamente, y yá lo apuntó equí la señora Rodríguez (n'alusión a la diputada de Podemos Nuria Rodríguez) va unos minutos, esa llei qu'agora tenemos en tramitación parlamentaria, la llei de Calidá Ambiental, puede abrir la puerta, amazcarando estes instalaciones con proyectos esperimentales a la barra llibre total, a l'ausencia total de nengún tipu de control y que con una mera declaración responsable, y siendo n'alta mar, nun sé ante quién presentada, que pueda poner en riesgu tou esto de lo que-y tamos falando".

Evite'l severu perxuiciu al sector pesqueru y a la preservación de los ecosistemes marinos que supondría la implantación desordenada d'esti tipu d'instalaciones eóliques y, arriendes d'ello, garantice la so coesistencia coles actividaes pesqueres siempres que sía posible dicha coesistencia ensin afectar al ecosistema marín y les actividaes pesqueres.

Evalúe al traviés del Conseyu Cimeru d'Investigaciones Científiques (CSIC) y del Institutu Español d'Oceanografía (IEO) el posible impactu de la instalación de polígonos industriales d'eólicos marinos sobre los recursos pesqueros y les zones de trabayu de los distintos artes y segmentos de flota qu'operen na cala nacional del Cantábricu-Noroeste y los sos efectos sobro la economía de les comunidaes pesqueres del Cantábricu.

Volver

Compartir

2014 Izquierda Xunida d'Asturies - Política de privacidad - Política de cookies